Its Raining In Here

So Detektif Zack season 2 (hahaha macam drama tv saja) abis sudah. Since aku nada idea kan membuat cerita naratif, jadi iatah masanya lagi ni kan mengungkit kisah lama di sekulah. Sebagaimana yang kamu liat arah title post ani, aku perkataan 'raining' disana. Kisah yang kan kuceritakan ani memang ada sedikit bersangkut-paut dengan hujan. Kejadian ani berlaku masa last year di sekulah. Fresh lakat ni. Mana banyak urang tau jua ni cerita ani.

Masa atu Maths Class. One of my favourite lessons. Guru yang mengajar masa atu cikgu Syikin. Ia mengajar memang bagus, sanang kan faham. Thanks to her and Ck Farid's help, i got an A in Maths. Classmates ku si Leslie, Boon Zhang (BZ), Kok Hui, TCY, Josephine, Arif, Iqbal, Acah, Yuria, Nadiah, Nadzirah Fatin, Ruhana & Aqilah. Semua sudah kali ku sabut tu, i hope nada urang tertinggal.

Aku duduk di ujung 2nd row hampir pintu. Di sebalah kiri ku si Leslie, dan disebalah kananku ku nada urang. Time maths ani aku malar spend time sama geng-geng cina. Pasal yang berhampiran ku atu si Leslie, BZ and Kok Hui. Cakap cina lah ku sama durang tu. Hahaha eksenkuuuuu... Cakap english lah... Tapi broken english pulang tu.

Di antara tiga urang chinese atu, kisah ani difokuskan arah si BZ. Ia ani gauk sedikit ni. Kalau kan kejamban pastikan ia inda mengikut kamu. Bukan pulang ia kan menyubuk. Ia ani lebih kreatif daripada atu. Jamban di MS atu kamu taulah cemana usulnya. Kamu tau pasal apa ia inda bulih mengikut kamu masa ke jamban? Pasal sedang kamu siuk-siuk menyampaikan hajat di jamban, ada can kamu kana hujani ulih aying tu. Angkaranya siapa lagi kalau bukan si BZ. Sudah keluar dari jamban abis basah tu baju kamu ulihnya. Syabas lah. Kadang-kadang time urang membasuh tangan pun kan disimbahnya. Baik jua ada dua sink di jamban atu, dapat jua disimbah balik arahnya. Water fight lah tu. Inda behabis tu, sampai salah seorang dari kami keluar dari jamban.

Sikap si BZ yang suka menyimbah membuat kami terikut-ikut. Iatah ada masa atu si Leslie dalam jamban, aku sama si BZ macam biasalah menyimbah aing arahnya. Sekali masa ia membuka pintu jamban, disimbahnya kami pakai hos. Besedia rupanya sudah kan counter attack kami. Hahaha baik jua inda kana, kalau inda syabas tu.

Ada lagi masa physics, Ms Raym nada kali time atu. Jadi ramai-ramai kami (aku, Sam, Afif, Awie, Leslie, Kok Hui, BZ, Chee Hwa, Krol,) ke jamban. Macam biasalah, ada yang bekamih, ada yang mengusai rambut, ada yang membasuh mua dan ada jua yang nada membuat apa-apa, saja-saja kan ke jamban bah. Iatah masa sorang-sorang sibuk dengan urusan masing-masing di jamban atu si BZ ani simbahnya tia kami semua. Apa lagi, water fight lah di jamban atu. Jamban yang hampir lab ani banyak sinknya, so sanang lah bebalas-balas menyimbah aing. Student juniors yang kan masuk ke jamban inda jadi masuk bah(pintu jamban atu bebuka iatah sanang meliat ke dalam). Takut. Hahaha. Students yang melintas-lintas hairan meliat kami ani. Gila eh, senior saja kami ani, tapi childish. Iatah sedang kami saling simbah-menyimbah di antara satu sama lain, aku ke luar. Aku liat ada mop kana jamur, tapi masih basah. Apa lagi ku ambil lah. Ku bawa masuk mop atu, dengan harapan kan menganakan si BZ. Ku libas-libas lah mop atu supaya teperancit aingnya. Malangnya bukan saja si BZ yang kana, urang lain pun kana tia jua!! Hahahaha kamah jua aing yang keluar dari mop atu!! Siapa yang kana atu sorilah!! HAHAHA!!

Kisah yang kan ku ceritakan di perenggan ani pun cali jua lah. Before maths class start, aku, Kok Hui, Leslie dan BZ ke jamban dulu. Hang out saja disana Bukannya kan apa-apa. Sekali si BZ ani apa lagi start lah dengan habitnya atu. Terjadi lagi water fight. Iatah aku tarik ia kan, kan ku simbah ia hampir-hampir. Sekali lapas tia jua dari genggaman ku. Tapi sekalinya.............."PAP!" tekana tia kepalanya directly arah hand-dryer yang berhampiran sink di jamban atu. Gila basar bunyinya ia tehantuk atu!! Tapi baik jua hand-dryer sama kepala si BZ atu inda pacah. Sound effect saja basar tadi. Atu ketawa kami di jamban atu! Lapas atu dibawa-bawa ke maths class. Classmates kami yang lain ani bangang-bangang ni pasal kami ketawa berabis ani. Si BZ masa atu memingang kepalanya sambil ketawa-ketawa. Sakit jua kali eh. Hahahaha!!!

Posted in: