007.5: The Spy Who Spoilt Me -Part 1

Cerita ani sekuel kepada drama Sambutan Hari Raya di MS pada tahun 2006.

***

Some of you may know me. And some may not. Ok, kepada siapa yang inda tau siapa kediaku ani, tepaksa tah ku bagitau namaku jua ni. Tak kenal maka tak cinta. Woiseh!!!hahaha.. Ok, My name is Taha... Mohd. Taha. You can call me Agent 007.5. Kalau kamu menyabut 007.5 atu bukan zero, zero, seven point five ah. Sabut zero, zero, seven poin paip. Atu baru bebunyi kebruneian sikit. Aku ani agen perisik paling muda dalam Unit Siasatan Rahsia Brunei (USRB). Sudahtah paling muda, hensem dan bijak lagi tu. Gila kambang hidung ku eh. Jangan kamu memuji labih-labih ani eh.

Setahun yang lalu, Datin EP, seorang VIP dalam USRB, memilih aku untuk menjalankan sebuah misi yang bulih lah jua di anggap sebagai Mission Imposible. Misiku atu adalah mengambil balik 'barang' Datin EP yang kana curi ulih si Pikachu. No, bukan Pikachu pokemon. Ani Pikachu si pencuri. Ia dapat namanya pasal ia selalu makai topeng pikachu. Kiut jua tu. Tapi aku lagi kiut lah. Nah... kamu puji lagi aku. Kambang tah ku lagi nah. Oleh kerana mission ku atu telampau kacui of course lah mission accomplished. 'Barang' atu dapat di ambil balik dan si Pikachu kana humban lah ke penjara.

Tapi atu last year udah tu. Masa umurku 17. Ani tua setahun ku sudah. Iatah last mission ku kali tu. Lapas atu kana rehatkan lah ku. A-Level exam kali ku ah. Education is my first priority bah. Ani abis plang sudah examku. Sepatutnya aku ke HQ plang ni. Malas tah ku ingau!! Enjoy dan mengacai lah dulu sama kawan-kawan! Abis exam kali ah! Sudah abis usinku baru ku bekeraja balik. Hahaha

Unfortunately planku kan mengacai batah-batah inda menjadi. Baru one week after exam abis, kana message tia ulih Datin EP. Giler, batah ku inda contact kedidia ani. Ia memessage ani time ku meliat cinema sama kawan-kawan. Inda lagi silent mobile ku ani. Inda jua mengacau lah mobile ku ani. Acai banar eh Datin EP ani, apa saja kan dimessage nya ani.

"DTG KE HQ AWAL ANI!! URGENT!!"menurut message atu.

Elah... Awal ani? Time ku meliat wayang! Alum lagi abis ni wayang ah! Aku inda mau rugi, baik ku abiskan wayang ani dulu. Sekali inda batah atu ringing tia mobile ku ah. Inda jua annoying lah aku ani. Kawan-kawan sebalah-menyabalah ani menunjukkan expression kan memakan urang sudah. Takut ku eh durang ani eh. Ku switch off tia mobile ku ah.

Posted in: