Cacing

Sory ah, 007.5 masih dalam pembikinan. Maybe in a few days time aku post lah. Storyline ada pulang sudah tu, ganya somehow in the middle of writing atu hilang idea ku. Lagipun masa ani ada gangguan sikit hehehe. Sementara kamu menunggu 007.5 kana post, so aku post lah dulu cerita ani. Kesian jua kamu balik-balik mencheck blog ku ani tapi nada jua ada cerita baru.

Most of us memang ada benda yang kitani paling gali. Ada yang gali kucing, tikus, lipas, siput, babi, bawang, belacan dan sebagainya. Urang yang 'gali hati' ada jua. Tapi atu peribahasa. Hahaha. Aku pun sudah tentu lah ada jua benda yang ku gali. Especially lipas. Sekiranya tah ada lipas di dalam bilik ku, mana ku betidur tu. Misti jua ku bunuh lipas atu dulu, baru ku nyaman tidur. Lipas atu bukan saja ku gali, tapi banci jua. Aku mostly gali sama serangga-serangga yang basar. Kalau lalat, samut dan nyamuk atu indalah.

Becakap pasal benda-benda yang kitani galikan ani, teringat lah ku satu peristiwa yang melucukan masa form 3. Haha baiktah ku pakai nama samaran saja supaya nada siapa-siapa yang terasa malu. Ok hari atu ada seorang kawan yang bernama N, ani membawa cacing ke sekulah (aku inda ingat pasal apa ia membawa cacing atu). Tunjukkannya lah arah kami di kelas ani. Iatah ada seorang kawan yang namanya si P ani gali dengan cacing. Inda dapat dibayangkanlah kegeliannya arah cacing atu. Si N ani dinyayanyalah si P.

Yang lain-lain biasalah, mengetawakan dan mengucap si P. Si P sabar saja. Inda beabis ni kami mengucap si P ani sampai dibawa-bawa ke kantin. Ke kantin atu membali makanan pulang ganya tu, kami inda makan di sana. Makan di mulut kali ah. Hahahaha "cali" aku ah. Makanan atu dibawalah ke kelas. Siuk kaliah makan di kelas. Bulih ubah susunan meja sendiri. Tapi lapas atu susunlah balik. Makanan yang kami bawa ani sudah tentu lah yang betapau. Indakan membawa pinggan dari kantin ke kelas. Atu syabas tu. Betapau atu selalunya pakai styrofoam, dan di kancangi sama rubberband.

Iatah siuk-siuk makan atu masih jua kami becerita pasal cacing. Si N ani malar di liatkannya ni cacing ah. Tapi indalah hampir-hampir banar, kami makan kali ah. Antah inda semana-mana timbul tia niat jahat ku ani. Aku liat kan rubberband atu. Warnanya merah. Bentuknya lagi macam cacing. Heheh apa lagi ku guntinglah rubberband atu supaya nampak macam cacing tulen. Lapas ku gunting, apa lagi ku humban lah arah si P. Ia masih makan masa atu. Aku abis sudah makan.

"Nah P... cacing! tangkap!"teriakku.

Apa lagi... Keluar tia satu reaksi yang inda dapat ku describe. Kamu imagine lah sendiri. Imagine yang ekstrim-ekstrim ah, supaya kamu ketawa. Hahaha cali banar!!! Nampak bah ia gali banar arah cacing atu. Kami yang duduk-duduk ani pun ketawalah. Siapa jua inda ketawa tu.

"Eh eh rileks eh, bukan cacing tu.. gatah ganya tu.. Hahahaha!"jelasku

Lapas mendangar cakap ku atu, barutah ia stop. Baik jua si P ani inda pemarah, kalau inda abis patah mematah tulang kali eh. Cukuplah saja dilontarnya dengan caci-maki yang ringan arahku. Hehehe.. Kenangan eh. Buat si P, kalau kau membaca post ku ani, sory yoh dengan apa yang aku buat arahmu dulu atu. Hehehe inda tau aku lupa sory arahmu hari atu. Andangya tu, masih kanak-kanak bah kitani atu.

Posted in: