Coming Soon...

Seorang lelaki kelihatan sedang berlari seolah-olah kana uyung ulih sesuatu. Dimana saja laki-laki atu betapuk, makhluk yang membubutnya atu macam tau-tau saja dimana tempat persembunyiannya. Semua kawannya yang lain habis tertewas ulih makhluk atu. Maka tinggallah ia seorang saja yang survive. Endingnya apa nah? Adalerrr

Sorry ah batah inda update. Ada pulang storylinenya udah tu. Ganya alum ada kesempatan untuk menaip the whole story. Baru siap 10.012% (antam aku ah haha). Vacation bah masa ani hehe yatah alum siap atu. So aku bagitau sajalah the preview untuk my next story. Biar kamu saspen haha =p. Anyways, selamat tahun baru Hijrah and tahun masihi. So siapa yang ada azam baru atu, hopefully terlaksanalah, Amin. Siapa yang baru abis A-level atu, good luck in everything =). To all of my friends yang kan start balik uni term kamu & exam tarus, good luck jua =)

Bah, aku tamatkan saja post aku ani disini. Harap anda sabar menanti cerita ku yang seterusnya hehe.

Read More

The Detective Returns - Part 9

Previously: Akhirnya selapas dimanis-manisi ulih Detective Zack, kidnapper si Suraya berubah fikiran dan melapaskan si Suraya.

"Memanglah hujan masih. Pasal masa ani si Bob menangis pasal happy. Happy pasal kau mau berubah sudah,"sampuk si Suraya bila menyedari yang aku payah-payahan kan menjawab soalan yang dikemukakan ulih laki-laki atu. Sesungguhnya soalan yang ditanyanya atu payah dari soalan A-Level Physics. Sebab atu inda ku tejawab.

Bila mendangar jawapan yang dibagi ulih si Suraya, laki-laki atu tersenyum. Senyuman yang dibaginya atu inda berapa manis. Pahit-pahit masin adalah. Pasal giginya rumpang sebuting. Yatah akibat malar makan ruti paun inti kaya tu nah. Mua karas sudah. Tapi ulih kerana giginya rumpang sebuting, hilang kekarasan mukanya sebanyak 10 persen. Overall, masih karas lah muanya.

Entah inda semana-mana beranti tia hujan ah. Bila menyedari yang hujan sudah taduh, makin senyum tia lagi laki-laki atu sampai menampakkannya giginya yang bukan saja rumpang tapi berwarna oren. Maybe bagas makan kaya atu kali, yatah giginya warna oren atu.

"Eh, bahagia banar jua kau ani sampai senyum-senyum?"tanya ku ke arah laki-laki atu walaupun aku sebenarnya tau apa kan dijawapnya.

"Memanglah aku senyum. Cuba kau liat. Hujan taduh sudah ah. Ertinya si Bob beranti menangis sudah tu,"balasnya.

"Awuwah banar jua. Bijak kau ani eh. Bangga indungmu ada anak yang bijak bistari macam kau ani."

Laki-laki atu pun berdiri semula dan mengaga ke arah aku & si Suraya dengan perlahan-lahan. Aku pun menyuruh si Suraya bediri di belakangku untuk make sure laki-laki atu inda dapat mengapa-apakan si Suraya lagi. Mana lah tau segala apa yang dicakapkannya tadi atu hanya sandiwara semata-mata.

Laki-laki atu pun beranti lebih kurang 1.06 meter di dapanku dan mula bersuara,"sebelum aku berambus dari sini aku mau bini-bini belakang mu atu mengakun yang ia yang melanggar si Bob."

Memajal jua si Bobnya ani eh. Cubatah tanya pasal si Ali kah, si Abu kah, si Ahmad kah, si Achai kah. Ani si Bob saja. Indakan besanang.

"Kau ani ah! Udah nyangku dalam se umur hidupku inda ku pernah melanggar urang pakai keritaku!"teriak si Suraya yang tiba-tiba keluar dari belakangku.

"Urang? Siapa cakap kau melanggar urang?! Si Bob atu KUCING ku bah!!"balas laki-laki atu.

Si Suraya terdiam bila mendangar siapa si Bob atu sebenarnya. Aku pun tediam jua. Bangang pun ada. Macam palui-paluian ada jua rasanya. Indakan pasal kucing mati pun sanggup sampai menculik & membunuh urang. Eksyennya kali ni laki-laki ani.

"Kau tau? Si Bob atu ku jaga selaginya damit bah tu. Yatah kawanku selagi ku darjah anam bah tu. Sejak ia kana langgar inda ku bekawan lagi bah! Lonely ku bah ni!"ujar laki-laki atu dengan penuh emosi.

Gila kali anak ani. Bekawan sama kucing. Barangkali ia ani loner kali bah. Nada urang mau bekawan sama ia, so ia pun bekawan sama kucing. Kesian... Tapi yang calinya kan, se-ikung kucing jua ganya kawannya ani. Jangan-jangan kucing-kucing pun banci ia kali bah. Si Bob atu tah ganya mau jadi kawannya kali tu. Kesian.... Kucing pun inda mau bekawan sama ia... Loner banar tah tu sudah.

"Oh baru ku ingat! Last month aku ada telanggar kucing bulu oren. Si Bob mu kah tu? Kalau atu si Bob, aku banar-banar sori,"si Suraya tiba-tiba berkata.

"Jadinya, banar tah kau yang melanggar ia tu. Heys.... Inda apalah.... Its ok.... Aku maafkan kau sudah,"jawap laki-laki atu dengan sedih. Lapas atu ia pun bejalan meninggalkan kami tanpa mengucapkan babai.

First time ku menyaksikan ni scene macamani ani. Adakah patut sekadar kucing mati pun kan sanggup bebunuh-bunuh. Heys.... ada-ada saja bah. Indakan besanang.

Bila laki-laki atu hilang dari pandangan kami, aku pun call si Ratna untuk membagitau yang aku sudah tejumpa si Suraya. Lapas atu aku sama si Suraya pun balik ke rumah masing-masing dengan pakaian yang masih basah pasal hujan tadi. So, tepaksa lah kami cancel ke Hj Gillien's Cafe. Indakan ke Hj Gillien's Cafe dengan pakaian kami yang macamani ani. Kacau eh, kan minum teh tarik free tah ku tadi ni!!

The End

Read More

Celebrity Collage by MyHeritage

I tried out "my celebrity look-alikes" website and these are the results. Haha perasanku satu pun inda sama macam muaku =p

http://www.myheritage.com/collage

Read More

The Detective Returns - Part 8

"Bui, aku ada satu soalan. Kalau kau bunuh bini-bini ani, macamtah kawanmu si Bob atu dapat hidup balik? Useless jua tu. Lapas atu kana jail pasal kau membunuh urang. Menyusahkan dirimu jua tu,"aku mula bekurapak dengan harapan dapat mengubah fikiran laki-laki atu.

Laki-laki atu terdiam sekajap. Lapas mendangar soalan ku atu, mukanya menjadi confuse. Macam inda tau apa kan dibalasnya. Nampak gayanya psychological warfare ku hampir-hampir berjaya. Ia ani sebenarnya inda jahat ni. Ganya terlampau mengikut perasaan. Telampau emosi. Macam kanak-kanak emo bah. Sikit-sikit slit wrist. Putus cinta, slit wrist. Kana marahi cikgu maths, slit wrist. Meliat cerita sedih, slit wrist. Kalah main guli, slit wrist. Kana gigit nyamuk, slit wrist. Apatah tu. Emo tah perasan kamu tu? Baik tatak selajur tangan ah. Inda alang-alang. Nah, emosi tia pulang jua aku ani. Syabas.

"Dangar tah cakap ku ani bui. Bedusa bah membunuh urang ani. Baik pulang kau membunuh lipas-lipas sama tikus-tikus yang bekeliaran arah punduk di dalam atu tu. Ada jua gunanya,"aku beceramah macam si-taie. Macam ustaz sudah bah.

Inda batah atu, hujan pun turun barai-barai. Eh, kacau eh. Hujan tia jua. Mudahan tah arah rumahku inda hujan. Lupaku membangkit jamuran ku tadi. Hopefully amah mamaku membangkitkan jamuran ku atu. Atupun kalau amahku atu inda meliat Astro. Awu, kalau meliat Astro, rumah kana bomb pun masih jua palak-palak meliat rancangan Astro atu kali.

"Kau tau apa maksudnya hujan ani bui?"aku bertanya arah laki-laki atu yang masih tediam dari tadi.

"A...Apa.. maksudnya?"balasnya. Baru tah besuara. Atu kan emosinya tadi.

"Ertinya disekeliling kitani ani ada roh bagas urang mati. Jangan-jangan si Bob kali. Yatah ia menangis meliat tindakan mu ani. Hujan pun turun bila ia menitiskan air mata"ujarku. Eseh, atu baru menipu aku ah. Adakah mengaitkan roh sama hujan. Inda apalah. Last resort bah udah tu. Mana tau tipu-tipuanku ani dapat brainwash laki-laki atu.

Pisau ditangan laki-laki atu pun telapas dan tegugur ke tanah. Ia pun melapaskan si Suraya dari genggamannya & kneeling down. Si Suraya mula berlari mengaga aku sebaik saja ia kana lapaskan. Menjadi jua rupanya tipu dayaku atu.

"Sorry Bob kalau aku buat kau menangis. Aku mengakun aku membuat silap. Ani sadar ku sudah. Bah adangtah menangis. Basah bajuku ulihmu ni. Lagipun ceramin keritaku bebuka tu. Masuk tia aying kedalam karang,"laki-laki atu tiba-tiba becakap. "Eh, mengapa hujan ani lakat? Ku suruh sudah ia beranti menangis udah,"sambungnya dengan membagi satu soalan cepuemas arah ku.

Aduh. Apa baik ku jawab ni. Susah eh macamani ani.

Read More

Tauke

To Alvin Chando Ramos a.k.a Nazirul Chan a.k.a Chan Siang Ho:
Dalam diam-diam kau ani ada kadai di UK rupanya. Walaupun kau bekeraja di Concepts Computer secara part-time, inda ku sangka kau be-usin membuat kadai di UK ani. Kaya banar tah kau ani ni. Layak tah kau ani digalar sebagai tauke Cha.Ya.Nun.Alip haha =p. Kalau kau inda mau mengakun jua, inda apa. Pasal aku ada bukti yo:

Tu nah ada namamu "The Chandos" arah kadai ah. Bejual arak kah ni chan? Bejual kali eh. Kau ani lagi suka minum haha. Jangan marah Chan, saya becali ganya tu.

So, Chan since kau kaya ani lain kali jangan tah galat-galatan kan membelanja kami. Belanja tah teh tarik India kah, ruti talur kah, mi guwing kah dan makanan-makanan yang seumpama dengannya. Kau kawan kami yang paling baik kali ah pasal kau banyak usin hahahaha =p

Read More

Out of boredom

Im taking another short break(short tia karang haha) after long hours of doing my programming mini-project. For a C++ beginner like me, memang payah kan membuat. Apart from my programming project, I have a second presentation to prepare and a second website to complete. Macam sanang kan bunyinya, tapi siksa bila membuat. Kalau pro udah, duii. Guyang batis tia kali ku udah. Ani baru jua belajar, macam mana kan guyang batis. Guyang kepala ada lah kali haha.

Ok, niat aku kan update blog ani bukan untuk kan ranting sebenarnya. I just wanna relish my memories masa jadi MS students dulu. Not just me, tapi also to you guys yang se-batch sama aku di MS dulu. Masa tani sekulah dulu banyak words yang sudah bulih tani anggap as our own language. Kira in-joke kitani lah. Cool eh tani atu haha. Yatah aku tepikir kan buat dictionary of our language and post it arah my blog ani. Dapat jua share our language sama readers ku yang bukan dari MS =p

***

1. Achai/Achai Randy- Satu perkataan universal yang bulih digunakan untuk mengganti nama urang atau kan men-describe something. Pokoknya Achai ani bulih jadi noun atau adjective lah haha. Word ani diinspirasikan dari kawanku yang bernama si Achai . Hehe Jangan marah chai kalau kau membaca =p

eg: "Chai, kemari kau sekajap."
"Achai jua barang ani."

2.Hensem/Hengsem- Bukan maksudnya kacak ni. Tapi the other way around. Bida atau cawiy lah tu ertinya hahaha. Hensem in a sarcastic way.

eg: "Cuba kau liat poklen ah. Hensem eh!"

3. Wassup - Dipakai bila teliat bini-bini maniss. Bulih jua dipakai untuk menggantikan perkataan 'lawa', 'manis' & yang seumpamanya.

eg: "Eh manis bini-bini ani. Misti di wassup ni!"
"Eh wassup jua bini-bini atu!"

4. Lambchop - Sideburn (rambut) haha.

eg:"Tabal udah lambchop mu atu. Bila kau menabas?"

5. Penyangat Jolly - Cuba translate ke English haha. Mun kamu inda paham jua inda tah ku tau tu.

eg: "Bah lakastah makan di penyangat jolly. Lapar ku eh"

6.Lucah- Bukan bahan-bahan under-18 maksudnya ni atau yang kuning-kuning atu. Bukan jua BF atau porn. Bagi kami lucah atu maksudnya lincah. Usually kana pakai masa memuji urang yang handal skillnya time main bula.

eg: "Gila cuba kau liat urang main bula ah. Lucah eh."

7. Pa.Wau.Ra.Nun- Yang banarnya huruf jawi pulang ni. Tamukan huruf jawi ani and baca tia. Sabutannya bukan 'puran' tu ah. Hahaha. 'Porn' bah...

eg: "Astah, meliat pa wau ra nun saja kau ani."

8. Syabas- Ani bukan kami gunakan untuk congratulate urang. Tapi dipakai masa ada scene2 yang memalukan or scene2 yang diluar jangkaan. Sabutan 'syabas' ani ada tonenya sendiri ni. Mostly urang-urang MS ganya tau tone nya ani ni =p

eg: "Person A: Gila yo, aku temasuk arah jamban bini-bini tadi."
"Person B: Ahhhh... Syabas!"

9.Cali/CALI- Disabut bila ada urang membuat lame jokes.

eg: "Eh CALI kau ani Ruj"

10. Kacut Naindah- Adatah tah meaningnya ni haha. Kacut atu obviously maksudnya shrinking. Naindah atu *tutttt*. Tepaksa di censor, karang kana ban blog ku haha. Oh btw Misti pakai deep voice ni bila menyabut.

eg: "Gila sajuk eh. Kacut naindah *using deep voice*."

For now aku ingat sepuluh saja. Next time lagi aku tambah, kalau aku ingat jua. Happy holiday to everyone yang cuti udah. Baie, aku dua minggu lagi baru cuti. Keraja betimbun.

Read More

Tagged by Joyah.. Tapi eksenkuuu!

To kill the time, aku buat lah tag dari si Joyah ani. Tapi eksenku pulang tu. The truth is no one has tagged me, aku sendiri yang mau bah haha. Saja kan melapaskan stress lapas buat my assignments haha.

why do you blog?

I wanna put a smile on everyone's face =D

dispel my and your boredom haha

The age of my next birthday:
Bukan twenty. Twenteen kali ah! Muda remaja masih heheh.

The place i'd like to travel to:
Kuala Belalong. Bahapa jauh-jauh ke negeri urang. Negeri sendiri lagi alum telawat semua.


To my fellow "Arsenal supporters" friends nanti tani tour Emirates. Siapa mau ikut, angkat saja tangan!haha

A favourite place:
Nothing feels better than spending your time at home. I miss my home di Brunei.

A favourite thing:
My Samsung T10. Im not into Ipod since a lot of people own it. Kalau ramai makai boring tia.

A favourite food:
Kira makanan kah ni? haha

Chicken Corn Soup. Membari tais liur meliat bah haha.

Favourite colours:Merah lah. Dulu berabut ni siapa jadi red ranger masa kanak-kanak dulu haha.
Manisss jua Snow White ani haha. White is another favourite colour of mine.

Nicknames that i had:

Pronounce it without the letter 'f' ah haha. "Mil" bah bukan "milf" haha.

My family calls me "Zam/jam". Some of my friends call me "Zam" as well.

A bad habit:
Hahaha malar procrastinate bah aku ani. Suka buat keraja last minute.

A hobby:
Main game lah haha.

And finally my current wish list:
Jessica Biel. Eseh! manisss kali ah =p


Kalaulah ada Fisherman's Friend flavour apple & cinnamon disini kan bisai.


Hangout sama My ex-MS friends yang ada di Brunei & di UK. Gila, rindu ku kamu!!!

Bah thats all. I tagged noone. Siapa tais liur membuat dengan hormatnya dipersilakan. Kalat mataku eh. Macamana kan sambung buat keraja ni aku ani haha. Oh btw, nanti ku buat sambungan Detective Zack Insya-allah.

Read More

The Detective Returns - Part 7

Meliat situasi ani mengingatkan aku arah scenes dalam movie. Baik arah movie Hollywood, Bollywood, Melayuwood, Chinawood atau yang seumpamanya, mesti ada scene cemani ani. Tapi yang ku liat ani bukannya movie, tapi belaku di dapan mataku banar-banar. Laki-laki atu mengugut memutung lihir si Suraya kalau aku menghampiri ia. Kalau ada pistol ku timbak sudah ia ni. Tapi macam tah aku pandai menimbak jua. Silap-silap lain pulang yang ku timbak karang.

"Rileks bui, rileks. Sudah ku bagitau, jangan suka-suka ati mencabut nyawa urang ani. Tugas malaikat Mikail bah tu!"ujarku cuba menenangkan fikirannya.

"Pffft. Malaikat Izrail bah. Izrail!! I.Z.R.A.I.L"teriaknya sambil memigang dahi dan menggiling-gilingkan kepalanya.

Aduh, makin mental ada ia pulang. Salah line bah aku atu. Adakah pelajaran Tauhid ku bawa-bawa. Aku pun inda ingat berapa gred ku untuk subjek Tauhid masa exam ugama dulu. Masuk ani dua kali ku sudah salah sabut malaikat yang ditugaskan mencabut nyawa. Laki-laki atu pulang meluruskan aku. Malu saya eh. Ex-student University of Cambridge saja aku ani. Karang balik rumah baiktah kali ku minjam buku-buku ugama mamaku. Revise semula pelajaran ugama. Pelajaran Munakahat lah kali yang ku patut dalami banar-banar. Favourite topic kali ah masa darjah 6 dulu heheh.

"Awu, awu.. Izrail. Kau tah paling handal nah. Manang tah kau,"jawabku yang ter-annoyed.

Laki-laki atu pun kemudian membawa si Suraya keluar secara perlahan-lahan. Manakala pisaunya masih terhunus di lihir si Suraya. Sampai oren-oren ulihnya bah lihir si Suraya tekana bagas-bagas kaya yang masih melakat arah pisau atu. Inda ia menjilat langis pisaunya kali tadi laki-laki atu. Eeeeeeeee gali ku eh. Baik jua bukan aku yang jadi hostage. Mun inda tekana kali ku segala kuman-kuman dan bakteria-bakteria dari aying liur laki-laki atu yang melakat di pisaunya. Silap-silap bulih tekana kuman kencing manis kali ku. Lapas atu menjangkit arah kediaku. Eh tunggu...., kancing manis bukannya penyakit bejangkit. Apalah aku ani.

Bila laki-laki atu membawa si Suraya keluar, aku pun turut keluar.

"Jangan ikut aku bah! Ku bunuh karang si manis ani!"laki-laki atu mengugut ku lagi.

"Sabar, bui. Sabar. Sebelum kau bunuh ia bagitau aku dulu apa salahnya ani arahmu sampai kan bebunuh-bunuh ani?!"

Laki-laki atu terdiam bila mendangar soalanku manakala si Suraya masih lagi menangis dan inda mampu berbuat apa-apa.

"Ia.... Ia.... Ia ani.... pernah melanggar best friend ku si Bob! Lapas atu ia escape tanpa menyelamatkan
kedia. Kalau dibawanya ke hospital hari atu, gerenti si Bob hidup masih bah!"ujar laki-laki atu yang mula mengeluarkan air mata. Cheh, harap muka saja karas tapi menangis. Mun saya, malu saya tu.

Mendangar kenyataannya atu memang sukar untuk dipercayai. Banar atu inda si Suraya pernah langgar lari, hanya si Suraya yang tau.

"Bi...bi..bi..la...la...bila ku melanggar u..urang ani? Ja..ja..jangan main tu..tuduh-tuduh a..ani dihhhh,"sampuk si Suraya kajar-kajar.

"Kau diam!! Saddap you!! Jangan kan eksyen-eksyen, aku nampak dengan mataku sendiri kau melanggar si Bob. Kau pikir nada saksi kah? Aku disana bah time atu! Aku nampak kau keluar sekajap dari keritamu, lapas atu kau lari tanpa menyelamatkan si Bob!"

Aku inda tau mana satu yang kan ku pecaya. Mungkin cakap laki-laki atu banar atau ia ani sebenarnya urang gila so ia buat-buat cerita. Siapa banar atau siapa salah,yang penting aku mesti selamatkan si Suraya. Misti ku buat sesuatu immidiately ni. Kalau dibiarkan macamani lama-lama, bad ending tia karang. Aku mana mau bad ending.

Read More

Memory Reel

I found this video on YouTube accidentally haha. Liat-liat muka ku ah =p

That was almost 4 years ago. Haha damit aku atu.

Read More

The Detective Returns - Part 6

Previously: Detective Zack berjaya menemui si Suraya di sebuah pondok secara inda sengaja. Inda batah atu ada seorang laki-laki beterais dari belakangnya.

Obviously bukan nenek kebayan yang beterais arahku atu bila ku menoleh kebelakang. Arah pintu atu berdiri seorang laki-laki yang inda seberapa kacak serta karas muanya macam batu. Jangan-jangan batu pun kalah kali. Mun diumban batu ke muanya, batu atu pulang pacah kali. Usulnya muda pulang masih si karas ani. Dalam 40 labih lah kali umurnya. Tapi dibahagi sama 2. 40 divided by 2 equals to 20. So, pokonya ia ani dalam umur 20 lah.

"Kalau kau inda mau nyawamu dicabut, baik kau bagitau namamu dulu!"ujar lelaki atu kepadaku sambil menunjuk-nunjuk aku.

"Sabar, sabar... Bawa betunang.. Bawa betuna.... Eh, salah!! Bawa bertenang, bawa bertenang! Jangan suka-suka ati kan mencabut nyawa urang ani. Setau ku, malaikat Israfil ganya mencabut nyawa urang ani!"balasku yang cuba menenangkan kedia.

"Apa pulang Israfil!! Izrail kali ah!! Kau ani pass sekulah ugama kah inda ah?! Bah, minta namamu!!"

Cemana ni ah. Bagitau kah inda. Ah, bagitau saja lah. Janji aku selamat. Tapi bagitau nama eksen saja. Macam tah ia kan men-check IC jua.

"Namaku Achai Randy bah! Puas hati sudah?!"ujarku dengan macho. Harap-harap ia berpuas hatilah.

Ia pun menganggukkan kepalanya. Pecaya ia! Talur banar ia ani. Inda tau kana tipu bulat-bulat. Lapas menganggukkan kepalanya, ia pun menyaluk beg yang dibawanya. Macam mencari sesuatu saja usulnya. Saluk punya saluk, akhirnya ia pun mengeluarkan sebilah pisau. Bukannya pisau cukur, tapi... pisau memutung ayam. Lalu dihalakannya pisau atu ke arahku. Uh oh... Abis ku ni.., abis! Mati tah ku ni! Tau ia rupanya aku menipu namaku!

Didalam keadaanku yang tungkal atu ia pun mengeluarkan sebungkus ruti paun Gardenier dan kaya cap Sablis. Lalu disapukannya kaya atu ke arah ruti paunnya pakai pisau memutung ayam atu. Saspen eh. Kan makan ruti paun rupanya.

Sedang ia siuk-siuk makan, aku pun membanguni si Suraya. Abis ku tampar muanya, ku cubit pahanya, ku picit jerawatnya & ku gelitik tapak kakinya supaya tebangun. Usahaku akhirnya membuahkan hasil. Si Suraya pun tebangun. Tapi masih dalam keadaan separuh sadar.

"Hoi, jangan kau kacau bini-bini sialan atu!! Kalau kau kacau, ku bunuh kamu bedua!!"tiba-tiba lelaki atu bersuara. "Tapi tunggu aku abis makan ruti paun inti kaya ani dulu. Lapar ku ni,"sambungnya lagi.

Sah tah ni laki-laki ani tah yang meng-kidnap si Suraya. Kalau kan diikutkan hati, bulih pulang ku escape ni, ganya pengkidnap si Suraya ani memampan pintu tia jua. Makan lagi disana tu. Very smart man ia ani eh. Apakah susu yang diminumnya masa lagi damit ni. Jangan-jangan Nespray kali dituntumnya dulu. Aku apa jua ganya, mun sekadar minum Enfagrow.

Lapas betarap, laki-laki atu pun menaruh semula ruti paunnya dan kayanya ke dalam beg. Tapi pisaunya masih lagi dalam genggamannya. Ia pun menggilat pisaunya atu yang masih ada bakas-bakas kaya sambil menantang kami. Ganas lah tu kononnya. Mun menggilat darah ok lah, ani menggilat kaya.

Masa ia menggilat-gilat pisaunya atu, tanpa disedarinya, semua ikatan di tangan dan di kaki si Suraya abis sudah ku buka. Bijak aku ani eh. Yatah long-term effect minum Enfagrow masa lagi damit tu. Bulih jadi urang yang bijak pandai macam aku bah.

Tiba-tiba si Suraya bediri dan tarus belusir menuju ke pintu. Eh, terkezut ku eh! Pikirtah alum sadar sepenuhnya ia ani. Tau-tau lapas ikatannya abis ku buka, belusir tia ke pintu.

"Eh, kan ke mana kau dang?! Si manis ani tah banar,"ujar laki-laki atu sambil menangkap si Suraya. Kemudian di halakan pisaunya atu ke leher si Suraya. Si Suraya pun apalagi, beteriaklah sambil meronta-ronta meminta lapaskan diri.

"Zack, tulung! Aku inda mau mati awal!"teriak si Suraya arah ku.

Aduh, macamana ni. Talur bah si Suraya ani. Tau sudah laki-laki atu di pintu, aganya jua ke pintu. Ani menyusahkan diri tia pulang nah. Time is running out. Mesti ku pikirkan sesuatu ni laju-laju supaya si Suraya selamat.

Read More

The Detective Returns - Part 5

Lapas buajah atu keluar, aku pun balik semula ke jamban atu. Tapi inda ku masuk pasal mengambus baunya. Inda mem-flush kali buajah atu. Kalau tourist datang kan memakai jamban ani membari malu eh. Cuba kamu-kamu yang membaca kisah ku ani, kalau memakai jamban atu flush bah. Kau pun jua penulis. Jangan lupa flush & basuh tangan pakai sabun. Mesti jua ku warning arahmu penulis, karang kana ucap pulang aku pilih kasih.

Dibelakang jamban atu nada apa-apa yang menarik. Yang ada ganya, hutan. Ditangah-tangah atu ada kadai runcit, tapi eksenku pulang tu. Aku pun masuk ke hutan atu melalui walkpath yang disediakan. Kalau dipikirkan secara logik, disini tah ganya satu-satunya jalan yang bulih dilalui ulih si Suraya kalau ia kan betapuk. Atupun kalau banar ia betapuk jua. Hypothesis ku mengatakan ia ani gerenti kana kidnap. Tapi alum ada bukti yang bulih menguatkan hypothesis ku atu. Yatah kan mencari clues ni.

Sunyi jua walkpath ani. Barangkali aku ganya jelama yang ada disana masa atu. Tapi inda pulang sunyi banar, ada jua lah kedangaran bunyi burung-burung berkicauan. Baik jua nada bunyi harimau mengaum. Mun ada bah, lari kali ku sudah eh. Syukurtah jua Brunei ani nada harimau. Sedang aku bejalan-jalan atu ada sesuatu yang menarik perhatianku. Di sebalah kiri walkpath yang ku lalui masa atu ada footprints. Inda pulang berapa clear banar footprintsnya, pasal tanahnya inda berapa licak. Tapi yang hairannya footprints-nya atu dalam bah. Macam urang yang punya footprints atu membawa barang barat. Ulih kerana aku curious macam kucing, aku pun ikut saja footprints atu.

Perjalanan ku atu membawa aku semakin dalam ke hutan. Entah berapa kilometer jauh sudah aku dari walkpath tadi atu. Yang ku ingaukan karang ni, sasat jalan. Syabas tu mun sasat. Jalan punya jalan aku pun akhirnya sampai ke sebuah tempat yang ada kana bina sebuah punduk usang. Ada jua kana bina punduk di tangah-tangah hutan ani rupanya. Jangan-jangan nenek kebayan atau Mak Lampir kali tinggal dalam hutan ani. Macam arah cerita donggeng atu bah.

Aku pun menghampiri punduk atu. Inda jua basar banar lah. Maybe dalam lima urang masuk, muat jua lah. Bila ku subuk melalui pintu yang tebuka dan rusak atu, sesuatu yang aku inda expect ada dalam punduk atu. Si Suraya ampai-ampai dilantai inda sadarkan diri sambil tangannya dan kakinya kana ikat. Ku liat kiri kanan, nada urang lain disana. Jangan-jangan nenek kebayan kali menculik ia ani. Ulih kerana si Suraya ani lawa, yatah nenek kebayan kan mengambil kecantikkannya atu supaya ia pun turut lawa jua. Hahaha merepek banar aku ani. Yatah akibat terlampau banyak meliat movie ni nah.

Aku pun belusir mengaga si Suraya untuk membanguni kedia. Baik jua ku turuti perasaan curious ku atu tadi. Mun inda, mana kedapatan ni si Suraya ani. Sebelum si penculik atu datang, baik tah ku selamatkan dulu si Suraya ani. Aku pun membanguni kedia.

"Oi buiii! Suka ati jua kau masuk!!! Inda kau belajar MIB di sekulah dulu kah?!"tiba-tiba ada urang beterais dari belakangku sebelum aku sampat membanguni si Suraya. Uh oh...

Read More

Something to add

From now on, aku kan add a funny quote (see top left sidebar) yang pernah ku ungkapkan or yang pernah ku dangar. So probably aku ubah the quotes weekly lah. Sorry, I wont be updating this blog for a few weeks. More assignments keep on coming. I need to manage my time accordingly. Yatah, kurangkan tah ke town atu. Sabar Mil, four more weeks before term break. Semangat sikit!! Minum Relentless!!! Sudah cuti nanti, bahagia tah ku tu. Bahagia for a while.

Read More

What a week...

Im gonna take a break from writing the next part of Detektive Zack for a while. Ada pulang tu sudah tu, ganya masih draft. This week was my project week. I dont have any lectures for this week, which means aku cuti seminggu lah tu. Tapi cuti apa mun banyak keraja ah!!! And I've had my programming test kelmarin on Friday. Baik jua ku revise a day before atu, mun inda syabas lah jawapannya tu. The first few days, I was doing my visual communication assignments. Yang banarnya assignment ku atu bulih siap awal. Banyak distractions bah hahaha. Syabas.. syabas.. Last-last siap in three days. Padahal bulih siap sehari haha.

Now ada satu lagi keraja kan ku abiskan. Buat personal website pakai dreamweaver. Mulanya kan membuat ku tadi ni, sekali antah macamana I end up blogging tia pulang nah. Magic banar eh haha.

Anyways, to those of you yang mau tau apa khabar ku (walaupun kamu inda betanya kali haha), aku sihat alhamdulillah. Ganya... yatah tu, sibuk dengan keraja. Kalau time malam-malam masa nada kan dibuat, hang out tah kami arah rumah sapa saja yang kami kenal. Lapas atu order makanan. Makan Ocakbasi!! (fast food outlet) haha. Kadang-kadang before atu mengacau the UBD-ians sekajap yang mostly terdiri dari bini-bini. Bukannya apa tu, kami kan mengeratkan silaturrahim ganya bah haha. Nada motif tersirat tu ah. Lagipun durang setahun ganya di Kent, so nada salahnya kan beramah-mesra sama durang =p

Selain makan, kadang-kadang main card and liat youtube. Atu baru namanya nada keraja nah.

Video ani shows one of our common activities time malam-malam haha. Pasal video ani tah jua aku ada peminat bini-bini dari Brunei ni hahaha. Bukan aku perasan ah, tapi banar ada bini-bini from Brunei minat aku lapas meliat video ani =p

Last night ada movie night. Kira one of the activities by MBsoc lah. I was in charge of the poll which I've posted arah MBsoc punya blog. In the end, Shutter manang. So we watched shutter last night. I was expecting a small crowd of girls coming, tapi sekalinya laki-laki yang sedikit hahaha. Penakut jua kamu laki-laki haha? Anyway, it was funny watching and listening to the girls' (and boys' jua haha) reaction masa ada scene yang bari takut. And to you guys, if you are sitting beside a girl (or more) masa watching a horror movie, bisai-bisai ah. Jarih badan kamu ulih durang tu hahaha. Aku kana sudah tu.

Oh well, nanti lagi ku update. Ani kan ke town ku dulu. Hahaha syabas kan? Tadi kan membuat keraja, sekali ke town tia ku pulang nah. Karang tah ku menyambung keraja ku Insya-allah. Bah guys, nanti ku post Detective Zack part 5 ah. Sabar-sabar saja hehe

Read More

The Detective Returns - Part 4

previously: Detektif inda menyangka both of his exes rupanya relatives. Durang plan kan hangout di Hj Gillien's Cafe, tapi secara tiba-tiba si Suraya hilang di jamban masa Detektif Zack & si Ratna menunggu kedia.

"Barangkali si Suraya ani main carah tapuk kali,"ujarku kepada si Ratna yang usulnya ingau sudah hatinya.

Si Ratna hanya melemparkan satu senyuman yang inda berapa manis arahku. Lapas atu muram tia balik. Sah ni, ingau banar sudah hatinya ni. Jarang ia inda melayan aku ani. Lalu aku pun menyuruh ia supaya balik dulu ke rumah dan tenangkan fikiran.

"Sudah you balik ke rumah, buatlah apa saja yang bulih chill kan utak you. Main game kah, bekaraoke kah, tidur kah, beguling-guling di lantai kah, menggelitik mama you kah, mengacai kah atau buat apa saja supaya fikiran you inda kusut,"kataku arah si Ratna.

Si Ratna tekidum mendangar kata-kataku. Aku becakap serius, tekidum tia pulang si Ratna ani. Inda apalah, at least dapat jua ku menatap wajahnya yang manis masa ia tekidum atu. Manisnya ani kalah segala benda-benda yang manis-manis dalam dunia ani. Gula-gula, gulali, bandung, chocolate, ice-cream, lollipop & segala benda-benda yang manis dalam dunia ani, semuanya inda dapat mengalahkan kemanisan si Ratna. Madu pun kalah jua. Pokoknya, ia ani ratu segala manis lah. Lagipun kemanisan wajahnya ani inda membari kencing manis. Apakan, aku ah... Labih tia... Tapi jangan salahkan aku ah... Salahkan penulis cerita ani.. Ia andangnya suka belabih-labih ni.

Sebelum si Ratna balik aku sampat bepasan arahnya supaya menelipun family & kawan-kawan si Suraya. Manatau ia diam-diam betapuk disana.

"Bah ok tu Zack. You bahapa tah ni? Stay disini?"tanya si Ratna sambil masuk ke keritanya.

"Awu me stay disini saja. Mana tau si Suraya main carah tapuk disini jua,"balasku.

Si Ratna pun ketawa mendangar jawapanku. Selapas mengucapkan babai, ia pun berambus. Maka tingallah aku di pantai ani secara solo dan hanya ditemani ulih para pengunjung yang inda seberapa ramai. Tanpa membuang masa aku pun bergerak ke spot dimana si Suraya menghilangkan diri, iaitu di jamban bini-bini. Harap-harap nada bini-bini dalam jamban atu. Mun inda kana ucap pulang ku perv karang.

Buat kali pertamanya lapas beberapa bulan, skill detektif ku bepakai semula. Baik jua alum betagar utakku ani. Setelah sampai arah jamban atu, aku memastikan dulu nada jelama dalam jamban atu. Ok, line clear. Bulih masuk ni. Lantai jamban atu kamah dan damal. Kamahnya atu maybe bagas pasir-pasir yang melakat arah tapak kasut. Nada apa-apa yang mencurigakan. Aku kemudian mencheck arah mangkuk jamban dan teliat sesuatu benda yang mencurigakan terapung-apung dalam mangkuk jamban atu. Lain macam saja barangnya ani. Suspicious jua ku tu. So aku pun meliat banar-banar. Ceh, taie rupanya!!! Padantah bebau. Cubatah flush lapas beria atu!!! Inda pandai kan mem-flush!!

Inda ku tahan eh, baik tah ku keluar. Kalau terlampau banyak mencium bau yang inda menyenangkan ani, silap-silap bulih tejangkit penyakit beria-beria ni. Bila ku sampai keluar satu perkara yang inda ku sangka-sangka berlaku di dapanku. Seorang buajah diri-diri di dapan jamban atu sambil hairan meliat aku yang baru kan keluar. Te-angkat lagi kirainya tu macam Ziana Zain/The Rock.

"Eh, wang salah jamban ni kau ani. Jamban laki-laki disebalah tu,"ujar buajah atu.

"Owh, iakah. Disebalah rupanya jamban laki-laki ani. Bah kesana tah ku ni,"balasku sambil buang kes, lalu, bejalan meninggalkan buajah atu tanpa mengucapkan babai.

Phew!!! Baik jua kelurusan ku kan keluar. Mun ku masih tahan-tahan di dalam masa buajah atu masuk tadi, abis ku! Kana ucap perogol kali eh. Atu yang membari malu tu. Usulnya tepaksa tah ku menunggu buajah atu keluar dulu before aku menyambung siasatan ku.

Read More

Nottingham

Balik saja ke rumah, tarus ku diving ke katil. Inda pulang tarus. Before atu, buka kasut, buka socks, tukar baju and tukar seluar dululah. Lapas atu pakai laptop sekajap. And then baru diving ke katil & tidur. Events yang ku sabutkan ani semuanya terjadi lapas the return journey from nottingham. Sebab atu inda berapa interesting. Saja-saja wah tu. Anitah yang dikatakan sebagai pembuka kata yang unique.

So yeah, kelmarin(8/11) ada Malaysian Notts games. Yatah aku kan membuat a little acount ni pasal event yesterday. Kami berambus dari kent pukul 2. Dua pagi ah bukan dua patang. Yatah on the way ke nottingham mana ku betidur. Inda comfortable bah tidur di coach atu. So memalui lah ku dalam coach & becerita-cerita sama si Ahmad. Sudah si Ahmad tidur, memalui tia ku balik. Sambil-sambil atu tekanang urang-urang yang tersayang di Brunei, aiseh! The journey took about 4 hours with a short break in between. And masa sampai ke nottingham barutah gumbira rasa di hati. Hilang segala derita yang ditanggung bah.

Masa ku turun, gila, panas eh di Nottingham ah. Tapi eksenku pulang tu. Sajuk kali ah. Sajuk dari canterbury. And of course sajuk dari Brunei haha. Disebalah coach kami, ada lagi sebuah coach parking. Sekali ku liat passengernya ada si Nad, si Afifah sama si Lifah. Eh dari Bath ni!! Bila durang tenampak aku, aku pun lambai lah. Naikku sekajap arah coach durang untuk menampakkan mua. Iski ku tarus eh meliat durang ah. Batah kali ah inda bejumpa haha.

Aku ke nottingham ani pasal aku ikut 5-a-side football tournament. Gila nada fit eh aku ah. Baru sekajap sudah tekapus-kapus. Baik jua si Ali mainkan aku dua games out of four ganya. But all in all, our kent team did well. Not bad lah although kami inda advance ke next stage. We won two and lost two. Kami kalah arah dua team yang mainannya handal gila baie. Lapas abis semua game, si Kam call aku. Rupanya ia ada disana. So finally I've met him after more than a month. And finally aku bejumpa his sweet girlfriend. Nice to meet you Mai =) hehe. Aku & si Kam becerita-cerita sekajap ganya, pasal I have a bus to catch. Kacau eh bas atu, mun inda batah kami becerita-cerita tu.

So, we (team Kent) rode the bus to reach portland (mula-mula pikirku poklen ni namanya haha. syabas!). Banyak banar urang disana. Mostly semuanya urang-urang Melayu lah. Macam shopping centre jua usulnya. Disana, aku tejumpa si Afifah, Nad & Lifah for the second time. Selain those three Bath girls, tejumpa jua ku si Yumnie, si Nass, si Zuraifah (ani baru ku kenal ni. Nice to meet you!!) and my cousin si Zirah, the four nottingham girls. Then si Haikal, the notts guy showed up. Siuk eh meliat balik mua durang ani. Lapas rasa rindu bah.

Since Im leaving at 6.30pm and masa atu masih pukul 4pm, I decided to visit si Zirah punya house. Si Haikal lah yang guide aku kesana. Yang syabasnya, mula-mula si Haikal salah rumah. Kal.. berapa lama sudah kau tinggal di Notts ani? Rumah kawan pun inda kau ingat? Hahaha. Jangan marah kal. Nad, Nass and Lifah were also there. Kami pun borak-borak lah kat sane. To Zirah and Zuraifah thanks ah for your hospitality. Lain kali lagi ku crash rumah kamu kalau ada masa. Atupun kalau kamu inda menghalau aku =p

By 5.30 aku pun berambus dari rumah durang pasal The Kent people have to gather at the sports centre at 6 before leaving. So aku pun bejalan kesana sambil ditemani oleh orang-orang Notts & urang-urang Bath yang menyayangi aku =p. Bila ku sampai, kelurusan The Kent people baru kan berinut ke coach yang parking hampir sana atu.

"Eh Mil, kau ani. Lupa kau sudah kan kami ah?!"tiba-tiba si Nawawi becakap arahku. Hahaha aku tau kau jeles Wie pasal aku hustlin' saja =p. So lapas atu mulih lah ku dari Nottingham. Before atu aku mengucapkan babai arah si Nad, Fifah, Lifah, Nass, Zirah, Zuraifah & Haikal. Siuk eh cerita-cerita semula sama kamu atu. Ani rindu tia ku semula arah kamu nah. And kam, kau jua. Sekajap ganya bah kitani becerita ah. Inda apalah, nanti lagi bejumpa. Its great to meet you guys back. Kalau lah masa ani bulih diberantikan, mau ku lagi hangout sama kamu batah-batah tu. Next time if bejumpa lagi, I hope to see more faces. Makin ramai makin siuk!! Damn, I really miss you guys. Urang-urang di Brunei pun aku rindu.

Read More

Windu-Sewindunya As Quoted by Haikal Haha

Everyday without her was a pain in the heart. 7 tahun yo aku kenal ia. I should've took her along when I left Brunei. Tapi aku lupa. I dont know why I've forgotten about her. Probably I was to busy. Cakap babai pun inda ku sampat. But yeah, I've spent my time with her everyday before my flight. She was always there when I need her. Tapi sekarang ani, payah eh. Rindu ku kan rasanya atu. Supaya inda tekanang ia, aku cari jenis lain yang macam ia. But somehow she's still the best. She has this taste that is not comparable to anyone. Yatah aku rindu berabis arahnya. It has been a month we've been separated. But a miracle happened yeterday. While I was grocery shopping in Tesco, I saw her. Inda ku pecaya ia ada disini!! Happy banar ku yo!! We are reunited together by fate. I dont care how expensive she is, as long as I can taste her... You guys wanna know how she looks like? See for youselves by clicking this: Link

Hahahaha I hope kamu inda tertipu yang sebenarnya aku becerita pasal Fisherman's Friend, my favourite mint. Rindu ku yo... Tapi baik jua aku tejumpa di Tesco. Yatah jodoh kali namanya tu hahaha. Anyway, sorry aku alum tesambung cerita Detektif Zack. Busy ku masa ani. Aku ada upcoming maths test, ada banyak assignment kan ku hantar & ada project buat personal website. So sorry guys. Be patient eyh hehe =)

Read More

The Detective Returns-Part 3

Si Ratna pun keluar dari keritanya. Jantungku dup dap dup dap udah ni. Awkward jua rasaku pasal yang dua-dua ani bagas ex ku. Dua-dua ani relatives lagi tu. An incovenient coincidence ni eh. Kalau ku balik, inda jua dapat. Gerenti jua bertembung sama si Ratna masa on the way ke kerita ku. Ah, stay sajalah. Bukannya membawa maut jua kalau ku stay.

Langkah demi langkah si Ratna kian menghampiri kami. Aku masih memikirkan apa yang patut dicakap. Bayangkan bila si Ratna mendapati aku ani ex si Suraya, dan si Suraya mendapati aku ani ex si Ratna. Bukannya apa tu aku atu. Aku takut durang cat fight. Karang kalau durang cat fight, tepaksa tah ku jadi refferee. Aku mana mau jadi refferee. Kalau jadi penonton mau ku. Astah... Jauh jua aku melarat ani... Datang tia lagi angan-anganku atu..

"Eh, Zakaria!"ujar si Ratna yang selalu tebiasa memanggil aku Zakaria, nama panjangku.

Si Suraya terbangang bila si Ratna menagur aku. Lalu, ia pun betanya,"Eh, kenal kau si Zack ani na?"

"Mistilah aku kenal. Kawan ku masa di Uni ni dulu si Zakaria ani!"balas si Ratna.

Phewwww!! Baik jua disabutnya "kawan". Mun disabutnya "ex" tadi, syabas tu eh.

"Ahhh... Ia ani kawanku sekulah jua dulu ni. Kelurusan kami ani tejumpa disini, yatah becerita-cerita kami sekajap,"ujar si Suraya lagi.

Nah, baik jua dua-dua menyabut aku sebagai kawan. Selamat sejahtera lah ku ni buat sementara ani. Lapas atu kami pun mempelawa si Ratna duduk sama-sama kami. Ulih kerana terlalu boring kami pun bemain London Bridge disana. Selain main London Bridge, kami main datuk harimau, main carah duduk, main carah tapuk, main carah kaki dan macam-macam lagi lah. Tapi eksyen ku pulang tu. Gila, bari malu kali ah urang-urang dewasa macam kami ani main macamatu di khalayak ramai, walaupun ari atu inda ramai urang ke pantai.

Mostly kami becerita-cerita ganya lah. Tapi kadang-kadang diam ku ganya. Pasal durang dua atu kadang-kadang becerita pasal topik yang inda ku tau-menau. Pasal artislah, pasal drama korealah, pasal p2f lah, pasal tudunglah, pasal shopping lah dan lain-lain topik-topik yang selalu dibincangkan ulih bini-bini. Topik sensitif ada jua lah. Tapi malas ku menyabut. Karang kana ucap tia aku pervert.

Dan ulih kerana kami inda membawa makanan, parut kami pun terasa lapar. Maka kami pun planning kan pigi ke Hj Gillien's Cafe. Tapi ani arah cawangan Muara. Baru buka bah, yatah mau jua merasa makanannya. Lagipun ada free teh tarik kata si Suraya. Tapi secawan pulang ganya tu. Inda apalah. Janji free.

"Eh, tunggu dulu eh. Aku ke jamban sekajap,"kata si Suraya tiba-tiba.

So, ia pun ke jamban lah. Tapi sebelum atu disuruhnya kami menunggu di kerita masing-masing. Maka kami pun ikutkanlah cakapnya atu. Menyusahkan si Suraya ani. Cubatah suruh saja kami menunggu di Hj Gillein's Cafe. Ani batah tia lagi menunggu. Baik jua ia ani lawa, mun inda mana ku menunggu ni.

Tunggu punya tunggu, alum jua nampak tubuh si Suraya ani. Lalu, aku pun keluar dari kerita dan mengaga si Ratna.

"Ratna, batah jua si Suraya di jamban atu. Kan sejam setangah sudah ni. Kalau beria, mana ada batah sampai macamani ni. Me beria paling batah pun sampai 20 minit ganya. Inda me tau kamu bini-bini ah.."ujarku arah si Ratna.

"Eh barigali you ani eh! You punya batah beria pun kan dibagitau. Agatah you checkkan di jamban atu. Malas me kan keluar,"balas si Ratna dengan manja.

"Mengapa pulang me? You lah. You bini-bini. Indakan me masuk jamban bini-bini. Karang kana ucap pervert."

"Eh, awuwah. You laki-laki jua hehe."

So, si Ratna pun keluarlah dari keritanya dan pigi ke tandas awam yang ada di pantai atu. Lima minit lapas atu, si Ratna pun keluar begagas mengaga aku. Raut wajahnya menunjukkan kerisauan. Aku dapat merasakan ada perkara buruk terjadi arah si Suraya. Di tangan si Ratna atu ada sesuatu yang dipigangnya. Bentuknya macam wallet.

"Zack, si Suraya nada arh jamban ah!!! Walletnya tejumpa ku ampai-ampai di lantai jamban atu!!!"kata si Suraya dalam keadaan panik sambil memigang kedua-dua tanganku. Matanya mula belaing sudah.

Eh magic jua si Suraya ani. Indakan si Suraya meninggalkan kami macamatu saja. Lagipun keritanya masih disini. Inda patut ia jalan kaki ke Hj Gillien's Cafe. Kalau ia bejalan kaki ke sana pun, macamani ia kan membayar. Walletnya ampai-ampai arah jamban. Hmmmmm....

Read More

The Detective Returns-Part 2

Previously: Ulih kerana terlampau keboringan di rumah, Detektif Zack pigi ke pantai buat kali pertamanya lapas enam tahun inda pernah kesana. Masanya angan-angan kan si Ratna, ada urang menagur ia.

"Waalaikumsalam. Eh..."aku menjawab salam yang diucapkan ke arahku sambil tergamam meliat urang yang menagur aku atu. Rupa-rupanya si Suraya, ex-girlfriend ku masa di sekulah dulu. Nah, kedapatan tia ex ku seorang lagi. Sasak ku penulis cerita ani. Semua private life ku di expose kannya.

"Eh, mengapa tediam ani? Ani Suraya bah. Ingat?"tanya si Suraya, sambil membuka sunglassesnya. Wah, lawa lakat ia ani.

"Ingat eh. Apa pulang inda ingat..."balasku sambil kontrol macho.

Lapas atu cerita-cerita lah kami. Yatah perkara biasa yang selalu dibuat ulih urang-urang yang batah sudah inda bejumpa tu. Topik yang diceritakan macam biasalah, pasal keraja, pasal kawan-kawan dulu, pasal cikgu-cikgu yang pernah mengajar kami, pasal kenangan zaman sekulah dan sebagainya. Baik jua ia inda betanya pasal love life ku masa ani. Mun inda awkward pulang rasaku karang.

"Bukan jua bah Sur. Bahapa kau ke pantai ani?"tanyaku, mengubah topik perbualan.

Si Suraya pun menjawab, yang ia kan bejumpa cousinnya. Oh bejumpa cousin.. Pikirtah bejumpa boyfriend tadi. Single tah kali banar ia masa ani. Ada harapan ni heheh. Nah, datang tia gatal ku atu.

"Aku sama cousinku ani andang suka ke pantai,"si Suraya membagitau arahku, walaupun sebenarnya inda ku betanya.

"Bahapa? Sun-tanning kamu?"balasku.

"Bahapa pulang kan sun-tanning di Brunei ani. Silap-silap sun-burning ada pulang!! Mun paham bisai!"ujar si Suraya sambil tekidum.

Lapas atu dibagitaunya lah arahku, yang ia sama cousinnya atu suka me-rileks-kan minda dan menghilangkan stress di pantai ani every week. Tapi kan, aku datang kesini, inda jua mau rileks utakku. Makin banyak angan-angan ada pulang. Tapi angan-angan ani kira me-rileks-kan utak jua lah. Next week datang ku lagi kesini. Dapat jua angan-angan. Sambil-sambil atu bejumpa ku jua si Suraya.

Sambil-sambil menunggu cousinnya datang, kami pun bejalan ampir-ampir coast atu sekajap. Panas bah Brunei ani, yatah inda kami tahan. Hangus kulit ni mun batah-batah bejamur. Bukan lagi hangus, ada cair badan kali ulihnya. Yatah akibat global warming ni. Please do something to stop global warming. Pasal kalau inda di-stop, Brunei ani makin panas. Eh, beceramah tia pulang aku ani nah.

On the way balik semula ke hut yang kami duduki tadi, sampat lagi si Suraya memutik she sell tu. Eh, salah... Bukan she sell, sea-shell!! Membari confuse bah she sell sama sea-shell ani. Mun exam oral English, kana putung markah sudah tu.

Alum batah kami duduk, si Suraya pun beterais sambil menunjuk-nunjuk,"Tu nah cousin ku sudah datang!"

Aku pun meliat ke arah yang ditunjukkannya atu. Ai? Kerita Toyota Vios. Macam kenal. Sekali ku liat license plate nya. Memang aku kenal kerita ani. Cousin si Suraya ani.... Si Ratna kah?

Read More

The Detective Returns - Part 1

Gila, lama ku inda membuat cerita pasal Detective Zack ani haha.

***

Usin pembari Encik Jaini semakin hari semakin bekurang. Menyasal ku overspending. Mengapa tah aku inda menyasal awal-awal. Inda jua ku overspending. Ani sudah kurang, barutah kan menyasal. Ataupun cubatah perasaan menyasal ani inda wujud dalam dunia ani. Inda jua ku susah hati kan. Bukannya apa tu aku susah hati ah. Karang mun ku inda beusin, macamana ku kan membayar astro ku? Payah tia lagi karang meliat EPL. Syabas lah.

"Eh, Zack. Angan-angan kau kah?"tiba-tiba mamaku menagur aku. Terkezut ku eh mama ku ani. Sikit lagi ku tekantut.

"Kita rupanya ma. Mana ada ku angan-angan. Aku meliat kipas di atas atu. Bisai bah,"balasku eksyen-eksyen.

"Kipas yang behabuk atu kau ucap bisai? Jangantah kan eksyen arah mama. Tau mama tu bila kau angan-angan. Bah, mama kan ke bilik dulu. Jangan banyak angan-angan dih!"

Nah, tekana ku sekali. Yatah payah mun tedapat mama bekeraja lawyer ani. Inda dapat ditipu. Entah berapa ramai sudah mua penipu dijumpainya arah mahkamah atu. Biasa sudah tu ia meliat macamana usul mua penipu. Sesudah mamaku hilang dari pandangan, aku pun menyambung angan-angan ku balik.

Tapi malangnya inspirasi kan be-angan-angan atu hilang tia jua. Kacau bah mamaku atu, siuk sudah aku angan-angan tadi. Sebenarnya be-angan-angan ani inda dapat dikacau. Kalau dikacau, inda tia lagi dapat disambung lapas atu. Yatah aku pun mengambil keputusan untuk bejalan keluar. So, aku pun keluar rumah, mengaga kerita Honda Jazz ku, buka pintunya, hidupkan enjinnya, duduk, tutup pintu, menurunkan handbrake, tukar gear D, pigang stering dan mula menakan minyak. Wah, detail banar jua ku membagitau arah kamu ani.

Mula-mula aku atu planning kan lepak-lepak arah Hj Gillien's Cafe. Tapi balik-balik jua sudah kesana. Kelanguan jua. Lagipun kalau ku kesana, keluar tia usin ku karang pasal minum teh tarik balik-balik sampai 20 galas. Last-last aku pun decide untuk pigi ke pantai Berakas since aku batah sudah inda ke pantai. Paling last aku ke pantai, masa enam tahun lalu. Si Ratna yang membawa aku. Kami kesana kan meliat sunset. Gila, kenangan terindah eh. Kalau lah kami masih couple sampai sekarang.. Heys... Menyasal tia ku pulang nah..

Sesudah sampai, aku pun meletakkan keritaku. Hari atu inda berapa ramai urang. Dapat dihitunglah. Lapas parking, aku pun keluar lalu duduk arah hut yang inda berisi. Di sebalah ku ada segolongan remaja yang sedang hangout sambil menikmati suasana. Makan-makanlah, ketawa-ketawa lah, becubit-cubitan lah, main frisbee lah dan beberapa aktiviti lain yang biasa dibuat dipantai. Teringat tia ku nah, masa zaman sekulah ku. Masa hangout sama kawan-kawan atu tah yang paling berharga. Becali, begosip, buat pranks, buat homework last minute, lepak di kantin, lepak di jamban... Rindu ku zaman sekulah atu eh.

Thank god ada facebook. So, adalah kawan-kawanku yang masih dapat ku contact. Masa ani sorang-sorang sudah sibuk dengan komitmen masing-masing. Bukannya macam dulu. Inda banyak kan diingaukan. Yang kan diingaukan boyfriend/girlfriend, homework sama exam ganya.

Di pantai ani teringat tia ku jua pasal kes Encik Jaini. Talur eh Encik Jaini atu. Adakah urang asing diucapnya makhluk asing. Syabas banar ia atu. Selain teringatkan kes Encik Jaini, teringat tia ku jua masa si Ratna membawa aku kesini kan meliat sun set. Balik-balik jua ku teringatkan pasal si Ratna ani.

Masa atu summer break. So, kami UK students pun balik ke Brunei untuk becuti kan bejumpa family & friends. Yatah masa cuti atu si Ratna membawa aku ke pantai Berakas kan meliat sun set. Sebagai seorang boyfriend yang mithali, aku pun ikut saja request nya atu. Kenangan terindah banar eh.

"Assalamualaikum. Zack, is that you?"tiba-tiba ada urang membari salam arahku. Aku pun menoleh ke siring untuk meliat siapa.

Read More

Sorry for the lack of updates

I've been busy lately. Nada idea bernas muncul for posting new stories. At the moment probably, my boredom bin will be at a break for a while hehe, since I need to create a website for the MBSoc society which is still under construction. At the same time I need to prepare a presentation due nexw week and slideshows for the MBsoc meeting this wednesday.

I am really sorry to dissapoint my loyal readers who kept viewing my blog daily. But dont worry, once aku be-idea berabis, betimbun tu post ku karang hehe. Insya-allah.

Read More

Uni life

Si Ai request aku untuk update/share my life di Kent ani. So, Ai, yatah kan ku ceritakan ni. Ok... Where should I start...? Bah, aku start dari 1st malam raya di Kent lah. Brunei alum lagi raya tu masa atu hehe. That night kami kana invite untuk datang ke rumah family Brunei: Abang Mahri, Kaka May & anak-anak. Disana kami betakbir & makan. Ramai jualah urang Brunei datang masa atu. Macam di Brunei pulang rasanya hahaha.

First time inda beraya sama family, memang syahdu rasanya. Yatah ramai lah bini-bini betangisan malam atu. Apatah lagi bila mendangar takbir. Tambah syahdu tia lagi. Liat saja tah photos ku arah facebook atu. Semua gloomy bah.

Time raya atu masa first week of lecture tu. Yatah nada kerasahan raya bah usulnya haha. Masa ku menaip ani pun inda ku tau hari raya ke berapa sudah ni haha. So far lectures ku nada problem lah. Tapi aku struggling lah sedikit arah one of my modules namanya Visual communication. Assignmentnya pun challenging jua. Oh just to remind you guys, aku ambil Multimedia Technology and Design. Modules ku ani macam-macam. Ada maths, ada programming, ada art, ada media studies, ada website design, ada photography and etc. Yatah visual communication ani more to art and media studies. And aku nada background arah those two subjects. Tapi insya-allah bulih lah ku cope tu nanti. Misti optimist bah.

The other modules Ok lah. So far nada complain. Lectures nya pun so far alum ada yang membuatkan aku mengantuk hahaha. Apart from visual communication, aku belajar HTML, C++ and maths. Alhamdulillah aku inda struggling arah those modules.

Dari lecture ke lecture I need to walk. Inda jua jauh lah dari rumahku. Paling jauh pun macam dalam 10 minutes ganya. On Monday aku ada four hours of lectures. Tuesday ada 2 hours of lectures. Wednesday ada 3 hours. And on Thursday 1-2 hours. Friday aku nada lecture!! So kira aku free on Friday lah. Dapat jua ku sembahyang jumat.

Ok, enough about lectures. Apa lagi ah kan ku share ah... Oh, I wanna share experience ku masa minjam buku di library. Syabas lah ni haha. Aku atu minjam dua buku dari library wah. So aku ada tempoh one week lah untuk membalikkan semula buku atu. And then 3 days later, aku ada receive email dari my uni library. E-mail atu state that one of my books was overdued. Aku hairan kan, sekali ku check lah my issued books receipt... Rupanya yang sebuting atu 24 hours loan ganya!! Pikirku dua-dua buku one week loan!!Syabas!! Kana fine lah ku. "MURAH" lah fine nya ah. 25 Pounds!! GILA!! Tapi nda apalah... Jadi pengajaran untukku dan untuk kamu lah yang maybe alum pernah minjam buku di library haha. Yatah... Lain kali liat resit! Hahaha

Ok... What else.... Oh tadi ada Brunei-Malaysia Kent society punya gathering. I was nominated jadi webmaster. Aku seorang ganya nominated. Boring nada contender ah hahaha. Sorang-sorang malu-malu kan speak-up tadi. Hopefully nanti, ada lah contender. Mun nada challenger, automatically jadi webmaster tah ku tu. Mun ada, tepaksa tah ku prepare speech tu.

Apa lagi ah? Haha antah eh. Bah lain kali tah ku cerita lagi. Aku ani sebenarnya kan membuat assignment. Sekali last-last mengadap laptop jua haha. Syabas!!

Read More

Drama Minggu Bahasa

While I was browsing my HD, I came across with the script that I have made for the 2007 MS Inter House Drama competition. So I thought I wanna share it with you guys. Alhamdulillah, kami, the Hulubalang house managed to win 1st place. Credit to all of those who have particpated last year (Hafiz Alidi, Atiqah adinin, Rasyidah, Nurhafizah, Rifaie, Izyan, Afif, Sam, Fatin, Izyan, Fakhrin, Amir, Kok Hui, Haikal, Boon Zhang). Without you guys mana kitani manang tu =) Cubatah kana rakam performance kitani hari atu, dapat jua diliat balik hehe.

***
Kemana Hilangnya Budi Bahasa

Sipnosis: On the day harry Putra kan kraja, kritanya tiba-tiba rusak.. so.. tepaksa ia ke bus stop, pakai bus ke officenya.. iatah starting dri sna ia bejumpa macam-macam jenis manusia…

Scene 1:

Harry Putra, bukan Harry Potter ah, dangar bisai-bisai HARRY PUTRA, seperti biasa meng’hensem’kan dirinya sebelum pergi bekerja. Pada hari itu, beberapa insiden yang berlaku ke atasnya telah menyedarkannya betapa ‘kroniknya’ masalah budi bahasa pada masa ini.

(Harry Putra, grooming himself, before kraja)

Harry Putra(HP): Ok handsome sudah ni, macam Johnny Depp sudah ni!! Ani baru semangat kan bekeraja. Sayang, abang jalan dulu ah!! (inda sadar begnya tinggal)

Wife: Bah, bisai-bisai jalan atu.. Eh, begnya tinggal.. Bang ni beg kita tinggal ah!!

HP: Astah!!Baik jua ku alum bejalan..

Wife: Iatahnah, mun mua macam Johnny Depp tapi pelupa useless jua kn, inda tia hensem.. Nah beg kita ah..

HP: Awudey.. bah bisai-bisai d rumah atu ah.. Babai!!

(Wife melambai tangan sambil tersenyum)

(Maci Joyah sedang menyiram bunga)(Amahnya jua ada disana)

HP: Selamat pagi maci joyah! Bahapa kita tu?? Menyiram bunga??

Maci Joyah(MJ): Nada ih, memandikan gajah ku ni!! Awu menyiram bunga jua ku ni!! Tau sudah ditanyanya lagi!!Nda lagi membagi salam tu!! Cemana kan tu?(Inda sadar tesiram amahnya)

HP: Astah marah tia pulang.. bah.. bah.. assalamualaikum, maci joyah, maci ooooo, maci.. Tuuuu.. memandikan amah kita?

Amah: Waduh bu!! Mengapa saya disiramin?!

MJ: Eh, bahapa kau dibawah atu?(masih lagi menyiram amahnya)

Amah: Waduh, gawat nih!! Itu pun masih mau ditanyain, saya ini bukan bunga bu!!

MJ: Eh, bukan bunga rupanya kau ani, padantah pandai becakap.

Amah: Aduhh.. semakin diomongin semakin saya disiramin, baik saya pergi aja!! I quit!!

MJ: dimana ku beranti tadi ani... ah!! awu taulah aku ani janda hot, ramai tia laki-laki kan mengurat kediaku!! Mun kan mengurat kediaku, bagitau saja straight forward bah, nda jua payah kan betapuk-tapuk!!

MJ: btw lain kali jangan panggil kediaku maci joyah, panggil saja MJ!!

HP: Laillahailallah, ucapnya tia pulang kan mengurat.. eew..eww..

MJ: Malas ku kan melayan laki-laki buaya darat ani, hmphh… (Beredar)

HP: Menagur ucapnya mengurat.. salamku inda dijawabnya.. heyyyy… mana hilangnya budi bahasa arahnya ani(terus menghidupkan kretanya)

HP: Rusak tia jua krita ani.. kalau kan diusai takut ahir sampai ke ofis.. kalau MC, rugi jua inda dapat meliat c Sally sekretari bos atu.. Pakai bus sja kli, sekurang-kurangnya dapat jua ku reduce CO2 emission..

HP: sayang, krita tani rusak tu!! Abang ke bus stop ni!!

Wife: bah mun ada bini-bini lawa d bus stop atu jangan ditagur!! liat saja!!

HP: elah rusak projek..

Scene 2:

Two guys, ramli sarip look alike n a hip-hopper duduk di kerusi, padahal di siring during atu ada pregnant woman n maci tua diri-diri.. Lalu apa lagi as a mr.nice guy , Hp pun menagur durang atu…

HP: Orang muda-muda sekarang ani, ehhh inda tia pandai kan bebudi bahasa..Excuse me, sory ah, inda kita meliat kah bini-bini pregnant sma maci diri-diri disana atu?? Utamakan orang yang memerlukan dulu…

Ramli Sarip(RS): Apa excuse me, excuse me ah?? Ingat namaku kah tu?? Apa kuasa mu sampai berani-berani kan menagur aku?? Lagipun durang nda jua bunyi-bunyi kan duduk!!

HP: Bukannya apa tu durang atu, mua mu atu telampau karas bah, iatah inda tecakap..

RS: apa nyamu!! Aku yg malar facial ani kau ucap karas!! (Sambil menarik baju HP)

HP: Jangan kau macam-macam, aku kenal mamamu!! Karang ku report karang!!

RS: Ah, mamaku?(Takut dan lari)

HP: Mua saja karas tapi penakut.. Ani lagi seorang.. hep-hop jua ia ani.. wang, wang, oiii wang!!

(hep-hop guy terkejut)

HP: Bah maci, ka duduk tah kita..

Pregnant woman n maci: Terima kasih..

(alum batah lapas atu, bas pun datang...)

Scene 3:

HP: Mana si irwansyah ani, janji kan datang pukul 1, ani pukul 1.01 minit sudah ni.. ani janji pencita wanita namanya ni!! Baik tah di call kli eh..

HP: Halo!! Irwansyah, di mana kau kan!!

Irwansyah(I): owh, on the way ku ni, kan kejamban..

HP: karang tah ke jamban atu.. makai jamban d restaurant saja..

I: Eh nda tia siuk klw makai jamban d restaurant.. kedengaran tia karang aku menyanyi pencinta wanita..

HP: Eh, ada-ada saja kau ani eh..

(Tiba-tiba sorang lelaki menepuk bahu HP dari belakang)

I: Bah, jadi??

HP: (terkezut) eh, laju jua??

I: Express kli ah.. Bah lakastah makan ah!!dimana??

HP: arah penyangat jolly

I: penyangat jolly?? Dimanakan tu??

HP: jollybee..

I: ahhhh.. nda ku mau eh, arah Restaurant HJ Gilin saja. Ni ampir sudah ah..

HP: bah manasaja tah

(Duduk di kerusi, lalu memanngil waitress yg mcm malas usulnya)

I: Excuse me, excuse me!! Mendangar kah inda waitressnya ani? Ani kan ampirnya

(Irwansyah lalu berdiri menghampiri c waitress)

I: excuse me, kami kan mengorder makanan ni!!

Waitress: pak, nggak usah jerit-jerit!! Napain bapak panggil saya excuse me, itu bukan nama saya pak!!

I: Waduh, saya pula yang dimarahin.. Eh, mengapa keluar cakap indonku ani?? Bah, bah kami kan mengorder makanan ni..

(Waitress marah-marah sambil take order)

HP:Eh, macam kenal kau ani, bukan kau ani amah maci joyah kan?

Waitress: Bapak.. kerja saya disini bukan mau jawab soalan.. jangan buang masa saya pak!! Cepatin, order makanannya!!

I: Mengapa sih, kamu marah-marah? Kok bapak Harry mau tanya kamu aja. Napain kamu nggak keren?? Ehhh, datang lagi cakap indon ku ani.

HP: Awueh, pemarah jua si manis ani eh.. bah, bah..Inda payah ribut-ribut.. Martabak udang satu sama teh tarik Italy

I: Aku cucur sikoi sama teh tarik tanpa susu

(Waitress beredar)

HP: Cematu pun bulih kana ambil kraja kh?

I: Kok ceweknya nggak tau budi bahasa sih.. eh, datang tia lagi cakap indon ku ani..mun cematu sikapnya bah, awu, lari customer..

Scene 4:

I: Bah, banar ni inda mau aku mengantar??

HP: Biar tia, ampir jua ganya ni bus stop ani

I: Bah aku jalan dulu ah!!

(Lagu irwansyah dimainkan)

HP: Lagu ani lagi!! Majal banar, dari mana datangnya kan?

(HP berjalan ke bus stop yg berhampiran, batahhhh ia menunngu.. sedang ia menunggu.. ada tia c ramli sarip datang sambil membawa pisau)

Ramli sarip(RS): Hoi kau, jangan lari!!

(HP lari. scene bubut-membubut. Last-last HP terabah inda dapat belari)

RS: Aku atu kan minta maaf!! Napa kau lari?

HP: Kau membawa pisau atu mengapa?

RS: Ah, bagas ku mengupas epal tadi, lupa ku menaruh di dapur. Mana ku sadar ni tebawa masa ku bejalan ani, sekali teliat ku kau, apalagi kan minta maaf lah ku.

HP: Cakaplah awal-awal, ani mengalih ku pulang nah.. silap-silap bulih appendix ni.

RS: Appendix? Apa kan tu?

HP: Inda ku tau jua, kencing manis kali.

RS: Sebenarnya aku banar-banar rasa bersalah. Aku inda patut kurang ajar arah mu tadi.. Sambil ku mengupas epal atu meliat ku ceramah di tv, lapas atu insaf ku tarus eh.

HP: Eh rock-rock pun suka mliat ceramah jua kah?

RS: eh kau ani... mliat, mliat jua.. janji rock!!

HP: Alhamdulillah, baik sudah kau minta maaf atu tu..

RS: Eh, mun kau menunggu bas batah lagi ni, maritah aku mengantar.

HP: bekerita kau kan?

RS: dont worry!! aku manggil driver ku!!

HP: Eh, kaya jua ramli sarip ani.. berdriver lagi tu..

Scene5: (home)

Harry Putra pun sampai kerumah..

HP: Bah terima kasih ah mengantar aku ke rumah ah, assalamualaikum!!

RS: waalaikumsalam!

HP: Eh, yang bahapa kau bekabun malam-malam ani?

Wife: Eh, malam sudah rupanya ni, pikirku siang lakat.

HP: Mengapa kau yang? Galap-galap cemani kau ucap siang?

Wife: eh siapa tu bang yg mengantar kita balik tadi ah?

HP: Ihh, pandai tia kan tukar topik, woooo..

Wife: Yihhh.. abang ani eh.. Jahat!!

HP: haha, awudey.. c Ramli sarip mengantar abang balik..

Wife: Eh muda jua ramli sarip atu?? Prasanku tua jua sudah

HP: sayang ani.. Mun paham bisai..

Wife: Napa ni macam stress-stress ani?

HP: Inda.. aku memikirkan pasal satu isu ani..

Wife: Isu apa tu bang??

HP: cemani saja nah aku kan betanya arah sayang, budaya timur ani selain kaya adat dan tradisi apa lagi kayanya?

Wife: Apa tu ah? Flora dan fauna??

HP: emmmm... bukan..

Wife: Makanan padas?

HP: jauh-jauh...

Wife: apatah? Mobile 3G? Astro??Reality show??

HP: Ih, lain-lainan jua eh.. adakah astro dibawa-bawa.. atubah budaya timur ani kaya jua dengan budi-bahasanya..

Wife: ah, iatah kan ku jawap tadi tu, sekali abang tia menyampuk.

HP: eleh, eksyen.

Wife: Awu dih.. eksyen ku tah nah.. Napa kan bang kita memikirkan isu budi bahasa ani??

HP: Kaya budi bahasa ani prasan abang makin kurang bah.. Tadi ah, macam-macam jenis urang abang jumpa.. Tu maci joyah disebalah ah, aku menagur ucapnya mengurat.. lapas atu masa di bus stop, orang-orang mudanya inda tau hormatkan urg sekeliling.. Tadi d restaurant, waitress nya kurang ajar.. heyyy... apa kan jadi dunia ani..

Wife: Ada-ada saja abang ani eh.. Aku ani inda pulang pandai bersyarah ni, tapi dangar sini bang, budi bahasa ani umpama tiang rumah, kalau tiang atu rusak atau patah, dapat jua diusai atau diganti kan? Sama jua halnya dengan budi bahasa.

HP: Maksud sayang, masalah budi bahasa ani boleh di’usai’ lah tu?

Wife: (tersenyum) Buleh, bang.. kalau ada usaha.. bukan saja kitani yang berusaha, tapi kalau buleh, setiap golongan masyarakat berusaha!!

HP: (termenung sekajap).. banar jua nyamu atu, mun sudah c ramli sarip atu mau berubah, ertinya urg2 yg kurang budi bahasa atu, bulihlah disadarkan tu, asalkn ada usaha yang mungkin bulih merubah diorang.. hmmm..

Wife: Lurus tu bang nya kita atu..Eh, bang karang jangan lupa ah?

HP: Apa ada?

Wife: Ni memicik jerawat ku ah..

HP: Eh, sayang ani, urang mikirkan pasal budi bahasa ia mikirkan pasal jerawat.. jangan diamalkan.. jerawat ani umpama tiang rumah kana kikis, semakin kau kikis makin rusak!!

Wife: Ihh, ikut-ikutan tia jua becakap pasal tiang rumah. Bah jangantah!!

HP: bah, bah lakastahnah.. agatah sayang masuk dulu.. apa baik pemakaiku kan memicik jerawatnya ani.. apa baik ah... ahaha, ani baru kebalasan (gunting kabun)!!

***

PS: Kalau membaca skrip ganya memang boring hahaha

Read More