Hospital part 1

Today the MOE called me for my medical check-up."Lai, hari ani tu ah medical checkup mu di RIPAS pukul 1.30 karang. "nya urang yang meng-call atu arahku. Ku liat jam sudah menunjukkan pukul 12.15. Hari ani durang call, hari ani jua medical checkup, syabas! Aku sampai di hospital RIPAS pukul 2. There, i met Afiq, Hazeerah Ariffin, Nadzirah Fatin, Afifah Hasanah & Hanisah Azah yang membuat medical checkup jua.

Iatah, RIPAS hospital ani reminds me of my appendicitis problem. Aku kana tahan dua kali dalam jarak masa 3 bulan pasal atu. Mula-mula in December 06 & then kali kedua in February 07. Sengsara eh. Sengsara pasal kesakitan yang ku alami & keboringan di hospital. Bayangkan nada TV, PS2(alum ku ada Ps3 time atu, ani ada tia sudah haha) and PC. My only entertainments were my Stephen King 's novels and my Sony Ericsson Phone.

Aku mula-mula kana tahan on 20/12/06 (according to my discharge ticket. Masih ku simpan tu sebagai kenang-kenangan haha) and kana discharge 0n 22/12. So dua harilah ku "ENJOY" di hospital. A few days before aku kana tahan atu memang ada terasa sakit sudah. Tapi inda ku ingau. And then ada lah this one day sakit banar parutku, especially arah my lower left abdomen. Time atu pukul 12 malam sudah. Aku pun mengadulah arah parents ku yang masa atu masih meliat sinetron Indonesia di parabola. Walaupun malam sudah larut, my parents tatap jua membawa aku ke hospital without any hesitation. Sinetron Indonesia yang alum habis durang liat atu terpaksa ditinggalkan.

Sesampai di hospital, kelurusan seorang alai manis menjadi consultant ku. Selalunya doktor India yang menjadi consultant ani. Tapi kali ani seorang jelitawan muda. Rezeki ku tah kali tu hahaha. So biasalah, as a consultant ia tanyalah apa sakitku, bila start terasa sakit, dimana terasa sakit and bla bla bla. And of courselah ia ada sentuh-sentuh badanku dengan tangan dan jari-jemari lembutnya betanyakan dimana area arah abdomenku yang paling terasa sakit. Baik jua aku sakit time atu, mun inda entah eh hahahaha.

On that day aku kana tahan sementara untuk the medical staff men-check darah ku. So, bemalam tah ku dihospital. Alhamdulillah, sudah pukul 6 pagi atu pulih tia jua sakit ku atu and aku pun kana benarkan balik. Unfortunately, in the next few days makin sakit tia jua. Menyucuk-nyucuk bah sakitnya ah. Ke hospital lagi, bejumpa dengan consultant manis atu.
Since usulnya nampak serius sakit ku atu, my consultant atu pun meng-informkan aku bahawa aku tepaksa kana hospitalised. First time ni bui aku kana tahan. My consultant pun menyerahkan aku kepada seorang specialist. Iatah kali terakhir ku bejumpa dengan jelitawan atu, bukantah jodoh tu namanya (apakan aku ah.....).

My life di hospital memang boring. Time siuknya masa ramai family and relatives ku melawat saja. Aircond-nya "PANAS" lah hahahaha. Apatah lagi masa malam, ehhhhhhh payah ku kan tidur. Membari kan bekamih ganya bah.

Sepanjang ku kana tahan atu aku inda kana suruh makan. Supaya aku inda mati kebuluran, nurses membagi aku this special liquid yang dicucuk ke dalam blood vessel arah lenganku. Iatah ada auntie ku ani membawa ayam KFC sebagai buah tanganku, since aku inda kana suruh makan, sia-sia pun tah saja. Tepaksa tah ia memakan ayam atu daripada inda dijamah. Makan atu cubatah di tempat lain, ani di dapanku. Membari tais liur saja. Hahahahahaha.

Every morning my specialist atu memeriksa my condition. Durang masih alum tau apa yang menyebabkan my pain atu sungguhpun segala macam cara sudah durang pakai including x-ray and ultrasound. Kana assume appendicitis pulang, tapi nada kesan-kesannya bah masa darah ku kana analyse. Lagipun symptom-symptomnys nada arahku. So, my specialist suruh the nurses cucuk antibiotic saja ke dalam blood vessel ku. And it worked. Dalam masa dua hari hilang selajur sakit ku atu, alhamdulillah. Akhirnya kana discharge tia ku dan balik tah ku ke home sweet home.

Sepanjang ku di hospital atu, aku menimba banyak pengalaman baru. Now, baru ku paham mengapa urang-urang tua selalunya inda suka kan tahan di hospital. Merasa tah ku sudah tu apa yang durang rasakan.

Nurses nya friendly and commited dengan keraja durang inda kira siang dan malam. I thanked them for their patience, commitment and services. Bekarih durang atu melayan pesakit-pesakit tanpa sebarang rungutan.

Bersambung....

Posted in: