The Spy Who Spoilt Me - Part 8

"the so-called bodyguards"(taken from Awie's Multiply)

Mendangar saja requestku atu, Datin EP pun merespon dengan hilaian ketawa. Kalah pontianak bah. Kurang asam ia ani. Time ku serius ketawa ia, karang aku becali inda ia ketawa. Jangantah kan tekidum. Mana inda ia ani ketawa, ia ani terlampau under-estimate "The Bodyguards" wah ni. Well... its not her fault. Siapa saja yang meliat durang for the first time, memang tau durang atu inda layak jadi bodyguards. Jangantah kan jadi 'asgai baunai" hahahaha. Atu gerenti kana rejek tu eh.

Tapi kan, yang hairannya cemana bulih durang ani dulu jadi bodyguard Datin EP ah? Desperate housewife kali Datin ani hahaha. Tapi, last-last kana pecat jua durang atu. Syabas!! Makan biabas!! wah, rhyming eh aku ah. hahaha cali, cali.

"Durang kah? Are you sure?"tanya datin EP meminta kepastian.

"Awu eh. Indakan si Acai,"balasku.

"Bah bah, tunggu dulu aarr, saya berbincang dulu dengan Mr.Han."

Sekali bebincang tia ia dengan Mr.Han. Aku punduk-punduk tah ganya memeratikan durang. Macam begossip jua durang ani. Nada usul bebincang bah. Sekajap-sekajap ketawa. Sekajap-sekajap hantak meja. Ada urang bebincang cematu kah? After waiting for quite a while, akhirnya Datin EP pun bersuara.

"Ok, kami telah pun membuat keputusan. Keputusan muktamad ni ah. Nada bantahan ni ah. Sebarang surat-menyurat pun inda kami menerima. Dan....keputusannya....."

"Bang!!!"tiba-tiba pintu conference room dibuka secara tiba-tiba membuatkan kami bertiga terkezut. Inda kan kana ambush ulih urang jahat time-time cemani ani. Baik tah ku keluarkan pistol ku kali. Eh... Tunggu... Aku mana ada pistol. Aduh, cemana kan melawan ni. Dengan hati yang kabak-kabak, muncul lah seorang jelama di sebalik pintu atu. Ms. Penyampuk rupanya. Cheese, membari saspen!!

"Datin!!! Ada kain baru ni!! Namanya kain Mawi World!! Mau kita membali?"teriaknya. Inda lain ia ani, kan menjual kain tah ganya.

Datin pun apa lagi. Pantang mendangar nama si Mawi lupa daratan tia tu. Sebagai promoter yang berkaliber, Ms. Penyampuk pun menunjukkan kain-kain Mawi World atu. Ku liat Sama jua prasanku dengan kain-kain yang dijual arah Nazmi atu. Bini-bini tah banar. Last-last tepaksa ku membagi signal supaya Datin kembali ke pangkal jalan yang benar (eh, berijap bunyinya haha). Setelah atu, suruhnya tia Ms,Penyampuk keluar.

"Eh, booking kan ku dua tiga halai ah!"kata Datin Ep kepada Ms.Penyampuk. Sampat lagi tu!

"Bah, bah tapi misti dibali ah! Jangan kan behutang lagi."Ms.Penyampuk membalas.

Pasal kain pun riuh durang ani.

Posted in: