007.5: The Spy Who Spoilt Me - Part 4

As usual, keisukkan paginya aku miss sembahyang subuh lagi. Tadi tebangun pulang ku pukul 5 pagi pasal kan ke jamban, lapas atu tidur tah ku balik Bukan pulang ku *cough* malas kan sembahyang tapi lupa I bah. Eh...., pukul berapa sudah kan ni? Oh, no! Pukul 8.01 minit sudah rupanya! Bejanji kan datang ke HQ pukul 8, syabas! Belusir tah ku ke jamban tarus eh. Mula-mula barus gigi dulu. Lapas atu mandi 'harus' lah ku. Inda jua batah lah aku mandi ah, ada jua dalam 20 minit. Telampau siuk menyanyi bah, iatah telalai.

Lapas siap mandi, baru ku sadar rupa-rupanya inda ku membawa tuala tadi. Syabas, bertelanjang bulat tah ku ni keluar! Tapi baik jua jamban ani dalam bilikku, mun inda beteriak kali amahku meliat susuk tubuhku ani. Kana ucap pulang gila seks karang ulihnya. Since jamban ani dalam bilikku, so bulih lah ku berjalan sesuka hati keluar tanpa seurat benang. I hope kamu jangan membayangkan usul keadaan ku sekarang ani. Kalau kamu bayangkan jua, PERVERT tah kamu tu.

Keluar dari jamban atu, maka ku ambillah tualaku yang ku sampirkan arah kerusi belajarku bagi mengaringkan dan menutup tubuhku yang sexy ani. Lapas ku karingkan badanku, apalagi grooming lah. Kan setangah jam lah aku grooming ah. Biasalah, sebagai seorang lelaki metrosexual, imej misti dijaga. Uh oh.. akhir sudah rupanya! Inda jua ku sadar tu! Syabas! Ok, masa untuk berinut. Bila ku check mobile ku, rupanya balik-balik sudah kana miss call dan kana message ulih Datin EP dan Mr.Han. Syabas aku ani, inda menjawab.Gerenti kana 'bomb' ni karang.

As I have expected, masa ku sampai, kana lecture lah ku ulih Datin EP dan Mr Han. Kana suruh datang pukul 8, tapi sampai pukul 9.30. Syabas jua tu! Memang layaklah aku kana paus.

"Masa ani umpama aying bah. Aku inda berapa setuju kalau masa atu umpama emas. Pasal aying ani lebih berharga dari emas kali ah. Aying sumber kehidupan, emas atu nothing tu. Masa ani jangan dibazirkan, aying pun jangan dibazirkan jua. Bukankah membazir tu kami batah-batah menunggu kau datang ani? Bayangkan masa yang dibazirkan atu aying, membuang usin jua tu,"ceramah Mr.Han. Ia ani kalau membagi lecture, macam-macam quote dimasukannya. Kali ani quotenya: "Masa Itu Umpama Aying." Baru pernah ku mendangar ni. Selalunya "Masa Itu Umpama Emas." Tapi masuk diakal jua quote Mr. Han atu. Philosopher ia ani eh.

Lapas Mr. Han abis beceramah, Datin EP pulang memaus aku. Abis ku tekana tempias air liur masinnya. Ewwww! Karang malam gerenti gatal-gatal badanku ni. Tepaksa memakai sabun Dettol ni karang supaya inda gatal. Iatah, malar diungkitnya pasal mengapa aku inda menjawab callnya dan messagenya.

"Sori bah Datin... anu bah tadi... anu... apa ni... you know... tadi si Acai...,"balasku dengan gagap pasal kan mencari apa baik alasan yang patut ku pakai.

"Apa si Acai, si Acai! Si Acai inda kena-mengena dalam cerita ani! Kau bawa-bawa si Acai tia pulang!"jawab Datin yang sasak denganku.

Lapas beberapa minit, finally abis jua sesi paus-memaus atu. Inda ku tau berapa liter air liur Datin tekana badanku ani.

Posted in: