007.5:The Spy Who Spoilt Me- Part 5

"007.5, kau tau mengapa kami memanggil kau hari ani?"Datin EP bertanya.

"Owh, of course lah aku tau... Kita memanggil aku ani pasal... Kan meliatkan new haircut kita kan? kan? kan?"jawabku yang cuba becali. Mudah-mudahan tah menjadi caliku kali ani

"Eh, kau ani kan becali tia ganya!! Oh yeah, by the way thanks for noticing my new haircut, mahal saya membayar ni. Since kau notice, kali ani saya kecalian lah dengan joke mu atu. Not bad.. Not bad... Hahahaha"

Cheis, inda ikhlas! And macam sarcastic sedikit bunyinya. Nampak gayanya inda tah menjadi caliku ani. As usual. Andangnya bah tu. Joke urang tuha mana sama macam joke urang muda. Mun paham bisai.

As I have expected memang meeting hari ani ada sangkut-paut dengan hal yang kami ngobrolkan kelmarin, sebagaimana Mr Han mengonpom kan,"Kitani inda bulih berdiam diri dalam hal ani. Something has to be done. Aying inda kan berkocak kalau kitani inda mengocak. And you. Yes, you Taha yang akan melaksanakannya. Since kau batah udah inda bekeraja, kan beparam tia ganya di sekulah, dengan segala hormatnya kami memilih kau untuk menjalankan misi kali ani." Ok quotenya kali ani: "Aying inda kan berkocak kalau kitani inda mengocak." Ada perkataan aying lagi dalam quotenya ani. Suka banar ia kan aying.

"Awu Mr.Han I know... I know... Siapa jua kan kita pilih lagi, aku jua ganya the only agent dalam bilik ani. Obvious kali ah..."balasku dengan panuh kambang.

"Awu dihhhhh.. Manang tah kau nahhhh...,"kata Mr.Han yang macam sasak usulnya. Bukan lagi macam sasak, andang sasak jua.

Lapas atu Datin pun mencelah dialogku bersama Mr.Han. Takutnya melarat bah. Karang sampai timbak-menimbak karang. Sekali dibaginya tah ku tiga buah fail yang menurutnya mengandungi profil-profil si Pikachu, si Mikail Sekupil dan si Alyssa. Tapi yang ganjilnya ada empat buah semuanya. Yang extra atu bukannya fail, tapi buku. Curious jua ku tu. So sudah lumrah manusia yang suka mendulur sikap curiositynya, apa lagi, ku check lah buku atu.

Ey, napa banyak gambar-gambar & keratan-keratan akhbar seorang laki-laki gundul ani? Si Mawi jua ni.Dari first page sampai last page pasal si Mawi ganya. Konpom Datin ani minat banar si Mawi. Sekali ku tanyalah Datin pasal buku atu.

"Oppppssss.. cemana bulih ku tebawa scrapbook ku ani...,"jawabnya dengan muka yang semakin pink sambil merampas buku yang ku pigang atu dengan begeragas. Tekidum ku meliat gelagat Datin ani. Sikit lagi ku kan tekantut meliat. Mr.Han pun apa kurangnya, menahan ketawa lah sampai biru mukanya kuliat.

Posted in: