007.5: The Spy Who Spoilt Me - Part 6

Usul si Pikachu dalam drama dulu. haha payah mencari mask pikachu bah, iatah brutal atu. (Photo taken from Awie's Multiply)

ani baru kiut nah!Haha

Lapas menaruh scrapbook atu dengan bongkisnya Datin EP pun menyuruh aku mencheck ketiga-tiga fail yang dibaginya arahku atu. First file pasal Pikachu, booooringggg. Second file pasal Mikail Sekupil, booooooringggggg. Third file pasal si Alyssa, boor.. eh.... Ani baru interesting! Wow, Alai ni!! Phewwitt!! Inda serupa macam mamanya. Anak lawa tapi mama, errrr... kurang lawa.

"Bah jangan liat fail anak saya saja. Yang penting baca fail kedua-dua crooks atu,"kata Datin EP,"jagantah pandai-pandai kan mengurat my daughter atu. Ku pulas karang telinga atu."

Cheis, kedapatan tia jua. Sepandai-pandai tupai melompat, pandai lagi kangaroo melompat. Eh, lurus kah tu peribahasa ku atu? Hantam saja tia eh. Rusak projek ku Datin ani. Mau inda mau tepaksa tah jua ku ikut arahan Datin atu. Tapi eksyen-eksyen pulang tu ku membaca. Baik jua inda ketara aku inda membaca ah. Heheh

"Ok, times up!!"sergah Mr.Han tanpa membagi sebarang signal. Terkezut ku eh. Kacut 'naindah' ulihnya."Untuk membuktikan kau membaca atau inda, kami kan menyoal kau apa yang ada dalam fail atu. Jangan membuyuk!"sambungnya. Tapi membuyuk ku jua, ku subuk sedikit fail ah.

"Eppp, eppp, epppp! apa tu main subuk-subuk ah? Minta tu fail atu,"tegur Datin EP yang girigitan.

Syabas ku ni! Abis, abis... Kedapatan tia ni aku inda membaca. So aku pun minta extra time lah supaya dapat membaca sedikit lagi. Malangnya inda kana layan. Kana jadikan gulayan ganya. Haha cali, cali. So as kamu predicted, of course aku dapat menjawab dengan cemerlang. Cemerlang berabis sampai satu soalan pun inda ku tejawab. Bijak bistari eh Datin EP & Mr.Han ani, macam tau-tau saja aku inda membaca.

"Iatahnah. Tiwas saja kau inda membaca,"sindir Datin EP. Gila padas eh. Kalah lada Thailand padasnya. Wasabi pun kalah kali.

"Nahhhh, overconfident tah kau lagi nah!"lagi seorang menyindir. Tapi inda berapa padas. Perasanku padas lagi lada maggi.

Posted in: