007.5: The Spy Who Spoilt Me - Part 7

"Har har har.. Kami atu sebenarnya saja-saja kan menyaya kau pulang tu. Pandai jua panik kau ani rupanya,"tanbah Datin EP.

Cheese, kejam durang ani! Kana olok-olokkan rupanya kediaku ani. Baik jua aku ani inda pemarah, mun inda sorang-sorang sudah ku timbak ni. Atupun kalau ada pistol. Selepas atu Mr. Han mulalah menjelaskan serba-sedikit mengenai mission ku kali ani. Menurutnya, penculikkan si Alyssa atu sebenarnya inda diketahui ulih pihak pulis. Apa yang pulis tau, Si Pikachu dan Mikail Sekupil escape saja. Nothing more than that.

"So mission mu kali ani: 1. Confirmkan hideout si Pikachu before calling us. 2. Rescue si Alyssa 3. Tangkap si Pikachu dan si Mikail Sekupil,"Mr.Han mengulas.

I was informed that tempoh Datin mengumpulkan wang $1,000,000 atu adalah selama seminggu starting kelmarin. Which means aku ada enam hari saja untuk menyelesaikan misi ani. Impossible ni yaw. Batah-batah mencari hideout lagi. Mana cukup tu enam hari ah. So, aku pun mengomplenlah arah Mr. Han mengenai masalah ani.

"Eh, kau ani alum ku abis becakap bah,"Mr Han merespon. Kemudian ia pun membagitau yang hideout si Pikachu sudah berjaya ditemui. Fortunately Si Alyssa memakai anting-anting yang kana equiped with a trackng device. So dapatlah di locate keberadaan si Alyssa melalui anting-anting atu dengan menggunakan GPS. Canggih eh. Macam dalam movie saja bah.

"Sekali di mana tah hideout durang atu?"tanya ku.

"Di Limbang,"jawab Mr.Han secara ringkas.

Owh, di Limbang rupanya durang atu betapuk. Pikirtah jauh banar tadi. I thought durang ani betapuk di Cuba atau di Alaska atau di Paraguay tadi. Tapi di Limbang atu lokasi yang logik lah, karang betapuk jauh-jauh inda jua dapat diterima ulih akal tu.

"Please jangan gagalkan misi ani ah. And be careful dengan Mikail Sekupil punya henchmen. Durang atu ganas tu. Kalah tentera Zionis tu durang atu. Kalau kau kedapatan ada harapanlah kau kembali kerahmatullah. Lapas atu durang karat-karat dagingmu sebelum kana jadikan hidangan untuk si Mikail Sekupil,"Datin EP tiba-tiba menyampuk tanpa memberi salam.

Gulp, tungkal pulang ku mendangar nah. Membari lamah semangat kedidia ani. Kacut naindah ku tarus. Semangat Brunei Yakin ku yang tadi berkobar-kobar kini hilang umpama air yang berhenti mengalir. Eh, mengapa tia aku ikut-ikutan membagi quote macam Mr.Han ani? Tejangkit tia kali ni dari Mr Han. Syabas!

"Errr... bulih minta satu request?"tanyaku. Mr.Han dan Datin Ep pun menyuruh aku menyuarakan requestku. Then aku pun bagitaulah yang I need partners, alasanku:takut sasat di Limbang. Tapi alasan yang sebenarnya aku ijap.

"Siapa kau mau jadi partner mu kan?"tanya Datin EP.

"The so-called Bodyguards. Kenal jua Datin durang atu kan?"jawabku.

Posted in: