Hospital Part 2

It was 11.59pm on the 11th of February 2007. In a few seconds, it'll be 12th of February and i'll become 18. Dapat sudah mengambil lesen driving tu bui. But that night i was struggling to get some sleep. Bukannya inda mau tidur pasal iski umurku 18 tahun sudah, tapi parutku sakit. Sakit berabis. Menyucuk-nyucuk sakitnya. Macam kana cucuk pakai jarum bah hahahaha. Sakitnya atu macam sakit kan melabur jua, namun apabila ku cuba untuk melabur dengan pegi berulang-alik ke jamban, inda jua berhasil. Kira saham inda majulah hahahaha.

Masa urang siuk-siuk bemimpi (mimpi karing atau basah), aku bergelut dengan sakitku. Berzikirlah ku, supaya lupa akan rasa sakit yang ku alami atu. At the same time, aku cuba untuk tidur.

Entah cemana bulih datang balik sakitku ani. Masa siang-siang, bahagia ku tadi. Ani sakit mengajut. Time 18th birthday lagi tu. Indalah ku betidur sampai pukul 5 pagi. Masa mamaku bangun, aku adu lah arahnya. Sakit parutnya ani lain sikit, kalau kaki kanan ku melangkah atau ku angkat, terasa sakit di lower left abdomen ku. Pagi atu aku inda sekulah. Masa birthday ku lagi tu. Miss tah ku lagu birthday yang akan dinyanyikan ulih my friends di kantin ni. Kacau eh. Gerenti kana cari-cari ni. Inda papalah, ada jua kana greet karang tu pakai SMS.

So, i went to the hospital that morning. Bejalan terpaksa pelahan-lahan. Macam urang tempang bah aku bejalan ah. Hahahaha. Consultantku kali ani bukan lagi alai manis. Sekarang ani, seorang laki-laki tapi inda ku tau bangsa apa. Macam cina bukan jua cina, melayu pun bukan. Caranya becakap atu lain bah. Some of his words, inda ku dapat menangkap. Ia cakap aku kana food poisoning (doktornya ani macam si-tau). So, ia bagilah aku ubat-ubat yang dapat hilangkan food poisoningku atu. The next three days, aku menyambung cuti. Bukannya malas kan sekulah, tapi sakit bah bila bejalan atu. Di rumah atu aku beparam di katil tah ganya.

Ubat yang kana bagi atu, macam inda berkesan. Makin bertambah sakit adalah. Iatah nyangku udah, doktornya atu si-tau. So, lagi sekali aku ke hospital. Doktor India yang jadi consultantku (as I have expected ahahaha). Kali ani, ia tanya banar-banar, bukan macam doktor si-tau atu. Aku bagitaulah yang aku pernah kana tahan 3 bulan yang lalu. And then ia suruh aku buat ultrasound. Another Indian doctor yang handle ultrasound atu. And he found a small lump arah abdomen ku atu, tapi ia inda sure apa. Aku tanya whether atu appendicitis, tapi ia cakap inda pasal if appendicitis the lump should be bigger and clearer. Even the doctor yang jadi consultant ku tadi agreed with him. And then i was officially announced by the doctor that i would be hospitalised for the second time within a space of 3 months. I will be analysed by a team of specialists. Kalau mau pulih dalam beberapa hari ani, inda payah operation katanya.

Apa bulih buat bui. Walaupun berat rasanya kan bermastautin di hospital ani, terpaksa jua ikut cakap doktor. Since aku kesakitan bila bejalan, aku kana hantar ke ward menggunakan wheelchair. Siuk jua lah naik wheelchair atu. Tapi ramai pulang urang meliat, "INDA" jua bari malu lah. Bila aku sampai ke katil ku, aku kana sambut ulih two female nurses yang baik dan peramah. They even wished me a happy belated 18th birthday. Awwww.. How sweet.

There i even met with a doctor, who claimed he's a former MS student and was a classmate of Ms. Raym (my physics teacher). Ia bukan pulang one of the specialist who's gonna analyse me, tapi saja-saja kan becerita sama aku, betanya aku cemana usul MS (aku student MS, for those yang inda tau) masa atu. And ia jua ada mengumpat pasal Ms. Raym hahahahaha. Sorry Ms. Raym if kita tebaca blog ku ani hehe.

So, yes, another boring days di hospital. Baik jua ada phone ku. Dapat jua check friendster. As i have expected, di friendster ku atu some of my friends wished me a happy birthday, betanya mengapa aku nada di kantin on my 18th birthday and mengapa aku inda sekulah dalam beberapa hari ani. Ada jualah yang minta belanja nasi katok (as usual hahaha) . I managed to reply to all of those messages, telling them yang aku kana tahan di hospital. Masa hari ketiga di hospital (on Saturday, prasanku lah), babah(Ck Farid) texted me. He said that he heard the bad news, and asked me my ward and bed number. Ia kan melawat isuk katanya. Ramailah urang message on the 3rd day ku di hospital atu. Ambil berat jua durang atu rupanya =p

In fact, masa the 3rd day atu, i was feeling better. And then isuknya i was officially recovered, so aku kana benarkan balik. Pagi atu si Awie, zul, Haikal and babah(Ck Farid) message aku yang durang kan melawat. So i have to wait them before aku balik. Syabas tu mun durang melawat lapas ku balik hahaha. So by 11am, Awie, farhan, Amir arrived. And then followed by babah. Lapas atu zul, fakri, ai, Yumnie, Afif and Sam datang. "Inda" jua bisinglah durang atu (especially si Zul) hahaha. Prasanku masa atu chinese new year, and durang plan kan ke rumah si Karen. Aku menahan air liur saja. Indakan dalam keadaan ku cemani ke rumah si Karen hahaha.

Later that day, si Haikal datang. Durang yang lain balik sudah. So bercerita-ceritalah kami. Last night si Amal membagitau ia kan melawat, tapi inda jadi. So Haikal was my last visitor. And bila ia balik, I called my parents to pick me up.

I was given a week's rest by the doctor. Tapi boring bah di rumah atu nada kan dibuat. Rindu jua ku sekulah atu. I mean bukan part belajar, tapi yang part socialising ahaha. Lapas dua hari cuti, ke sekulah tah ku. Iatah masa di bas, si Fakri bertanya, "Eh bukan seminggu kan cutimu?". Hahaha. Masa di sekulah, ramai jua rupanya yang ambil berat arah ku ani. Tetanya-tanya mengapa aku inda sekulah, tetanya-tanya mengapa aku kana tahan, mengucapkan betapa rindunya durang atu arah ku hahahahaha. Ada jua lah yang inda galat atu meminta belanja nasi katok (atu memajal) hahaha. Tapi yang paling mahal Mr Saxon lah. Tau kamu apa ditanyanya? "So youre not dead yet?" HAHAHAHAHAHA. Yes, i know some of you yang inda kenal iya might find that's harsh, but im not offended by it pasal atu one of his typical jokes hahaha. I got used to it udah. haha

Posted in: