007.5:The Spy Who Spoilt Me-Part 20

previously: Si Mikail Sekupil menyerang hendap 007.5. Abis 007.5 kana belasah. Luckily the 'new' female agent menulung ia di saat-saat akhir and si Mikail Sekupil pun tertewas.

Aku tiba-tiba terbangun mendapati kepalaku, tanganku dan di beberapa bahagian badanku kana wrap dengan bandages. Aku pun memaksa diriku bangun. Gila, sakit-sakit rasa badanku ani eh. Iatah jarang minum susu anlene aku ani. Macam urang tua-tua udah bah. Tepaksa bangun pelahan-lahan. Ku liat The Bodyguards, si Hakeem dan si Alyssa berdiri inda jauh dariku.

"Nah bangun ia udah!"#2 berteriak.

"Elah, sadar tia awal ia ani, Tepaksa tah ku jadikan belanja makan di Capers ni heheh,"ujar si Hakeem.

"Mana kira. Janji tetap janji,"aku membalas si Hakeem sambil tersenyum. Aku pun begarak pelahan-lahan arah abisdurang. Dua agent bini-bini yang menulungku tadi are nowhere to be seen. Mana durang ani. Indakan durang dua atu makhluk halus yang sukarela kan menulung kediaku. Ataupun durang dua atu puteri bunian yang kan menulung aku pasal aku telampau hensem. Tapi inda jua logik, pasal kostum durang betulis USRB. Indakan USRB mengambil khidmat urang bunian.

"Eh nampak kamu siapa yang membawa aku ke sini ani?"tanya ku kepada bisdurang.

"Awu hot eh ia atu. Kawannya pun hot tia jua. Mun badan sudah hot tu, mua durang gerenti manis jua tu. Ani mana tia kah abisdurang ah.."#3 membalas. Gatal ia ani eh. Pantang meliat bini-bini lawa ia ani. Biar tia bah, asal ia bahagia.

Mana banar dua agents bini-bini atu ah? Alum lagi ku sampat beramas-mesra sama durang. Oooooppps! Salah... Bukan beramas-mesra. Kan 'beramah-mesra'. Mun beramas-mesra lain tia bunyinya. Atu 18sx tia karang. Ceh, kalau inda bejumpa awal ani pun inda jua apa-apa. Karang di USRB bejumpa jua tu. Mun sudah namanya jodoh atu, inda kemana-mana tu.

Finally abis jua mission disini ani. Walaupun kira inda berjaya, tapi at least sindiket Kubra Gang Brunei berjaya ditumpaskan dan si Mikail Sekupil & si Pikachu kana sumbat balik ke penjara. Lapas balik, makan di Capers. Si Hakeem belanja. Lapas atu enjoy balik sama kawan-kawan sementara masih cuti ani. Then baru buat personal statement untuk UCAS. Sudah seminggu kan deadline tah ku membuat kali. Atu baru syabas. Rilek wah, panjang masa masih ni. Yang membari kabak-kabak karang tu results A-Level lah. Ahh, batah jua lagi keluar. Next year tah saja kabak-kabak.

"Eh yo. Atu jua bini-bini yang menulung kau tadi ah!"tiba-tiba si Hakeem berkata arahku.

Dua agents bini-bini atu bejalan menuju ke kami. Siapa disebalik topeng durang ani masih menjadi misteri. Ingin jua ku kan tau tu macamana usul mua yang berselindung disebalik topeng yang meng-cover durang atu. Antah inda semana-mana kedua-dua tangan dua agents bini-bini atu merapatkan tangan durang arah cover mua durang. Macam kan membuka saja durang ani. Nampaknya hajat ku kan meliat durang kana kabulkan. Gila kabak-kabak ku meliat eh. Siapa kah banar ni.

So, akhirnya cover mua durang pun completely terbuka. What?!!! Nooooooo wayyyyyy!!! Durang kah? Mengapa misti durang? Out of bini-bini dalam dunia ani mengapa misti durang??

"Alyssa my honey!!! Laju paluk mommy sayang!!"datin EP beteriak sebaik saja ia teliat si Alyssa.

"Mommy!!! I miss you!!!"jerit si Alyssa sambil belari kearah mamanya untuk membagi pelukan penuh kerinduan dan kasih sayang.

Ceh, salah seorang agent bini-bini atu Datin EP rupanya. Tecanggang ku sama The Bodyguards meliat.

"Eh, 007.5 ok kau udah? Tadi kan KO usulmu,"tiba-tiba Miss Penyampuk menagurku.

Dan yang agent seorang atu lagi rupanya Miss Penyampuk. Ani lagi kami tecanggang. Pecaya kamu? Aku payah kan pecaya ni.

-The End-

Posted in: