007.5:The Spy Who Spoilt Me-Part 18

previously: Setelah kana tulung ulih the 'new' female agent, 007.5 pun diarahkan untuk me-rescue si Alyssa & The Bodyguards yang masih terikat. Masa ia sampai malangnya pintu terkunci. Si Johnny menulungnya secara tiba-tiba dengan membagi kunci untuk pintu atu. Mula-mulanya 007.5 menyerang si Johnny tapi setelah si Johnny memberitahu yang ia banarnya salah seorang agent USRB, 007.5 beranti menyerangnya.

Hari ani banyak perkara yang mengezutkan aku. Terutamanya dengan kewujudan si Hakeem ani sebagai agent 007.6 dan jua kewujudan dua agent bini-bini yang usulnya macam power rangers atu. Inda pernah pun Datin EP & Mr. Han mention pasal durang atu. Usulnya banyak agents baru kana recruit sepanjang ku cuti setahun atu. Inda update bah aku ani. Tepaksa tah aku update ke Intel pentium 5 kali. Hahahahah CALI jua aku ani.

"Eh mengapa si Johnny ani menulung kau?Kau ceramahi kedia sampai ia betaubat kah?"tiba-tiba #2 bertanya.

"Awu bagas ku ceramahi ia tadi. Tapi eksenku pulang tu. Karang tah ku becerita, ani nada masa ni. Lagi awal kitani abis, lagi awal kitani bulih makan di Capers. Lapar ku ni nyamu,"aku membalas dengan ringkas.

Setelah semua ikatan selasai dibuka, kami pun keluar dari bilik atu. Si Hakeem pun mengarahkan kami supaya mengikut kedia since ia tau dimana exit door.

"Jangantah ikut exit door. Ni nah keluar saja dari jendela ah. Bukannya tinggi banar jua mun kan melumpat,"ujar ku. Usulnya si Hakeem ani alum pro. Banyak yang perlu ia pelajari supaya jadi seorang agent yang cekap dan jimat ni. Eh correction, cekap dan cermat. Malar salah sabut aku ani. Adakah cermat jadi jimat tia pulang.

So semua pun bersetuju dengan cadanganku yang bernas atu. Kecuali si Alyssa. Banyak komplen ia ani eh. Sasak ku. Baik pulang inda ku selamatkan kau tadi. Pakal ganya kau ani lawa & anak Datin EP.

"Tinggi jua tu mun kan belumpat. Karang patah tulang kaki ku! Payah tia kan jalan-jalan shopping di Mall Gadong karang,"komplen si Alyssa.

So ku subuk lah keluar. Men-check berapa tingginya dari jendela atu ke tanah. Duiiii! Mun ganya satu meter ke tanah, nadakan sampai patah kaki ni. Bini-bini ani tah banar. Mua saja lawa. #1, #2, #3 sudah pun keluar dari jendela atu tanpa disuruh. Kemudian diikuti dengan si Hakeem. Tinggal aku dan si Alyssa ganya masih didalam. Baulah si Alyssa ani.

"Yih, tinggi bah tu! Inda ku mau!"kata si Alyssa sambil mengantak-ngantak kaki. Belabeh jua eh. Mengalahkan baby baulah ia ani! Mun cute inda jua papa, ani tuha sudah si dayang ani. Membari gali meliat. Rasa kan menampar kedia ani.

"Bah maritah aku memigang badan mu nah. Durang menyambut diluar tu. Nada kau patah kaki ni,"pujuk ku. Si Alyssa pun terdiam seketika, dan akhirnya ia pun mengikut cadangan ku. So ku piganglah badannya dan ku angkat ia ke jendela manakala The Bodyguards & si Hakeem menyambut kedia di luar. Ani baru kebasaran namanya mengalahkan anak raja.

Lapas si Alyssa successfully dikeluarkan, turn ku pulang lagi. Tapi inda semana-mana badanku kana tarik dibelakang ulih seseorang. Aku pun terjatuh kedalam semula. Aduiiiii!!! Sakit!!!! Kurang asam punya urang! Sementara aku beguling-guling menahan sakit atu, aku mula tedangar siren pulis diluar. Tiba-tiba badanku ditarik keatas supaya berdiri semula. Si Mikail Sekupil rupanya. Eh, bukan tadi ia tetidur bagas kana sleeping gas kan? Cemana bulih ia escape ani?

Siren pulis yang ku dangar makin basar bunyinya. Sedang aku asyik mendangar siren pulis atu tiba-tiba si Mikail Sekupil membagi aku satu 'hadiah' istimewa tepat ke hidung ku. Aduii!!Ia ani menumbuk inda membagi signal! Darah pun start mengalir keluar dari hidungku. Ku liat di luar si Hakeem kan masuk semula untuk menulungku tapi aku melarang.

"Agatah kamu aga pulis dulu! Ani biartia aku menghandle!"teriakku arah si Hakeem.

Mula-mula si Hakeem serba-salah. Tapi aku membagi thumbs-up arahnya supaya ia convince yang aku bulih mengawal situation masa atu.

"Jangan lupa tarus booking lunch arah capers ah!! Kau bejanji udah tu!!"teriakku lagi, takutku ia lupa bah.

"Adaku bejanji kan?"sampat lagi tu si Hakeem menjawab. Belum ku sampat membalas, lari tia si Hakeem ah. Ceh, kan escape dari membelanja urang lah tu.

Didalam kelekaan ku atu, aku disiku ulih si Mikail Sekupil dari belakang. Ouch!!! Kana ku lagi sebiji. Ok thats it. Cukup tah tu kau membelasah aku udah. Ani turn ku pulang. Prepare to kembali kerahmatullah my pren.

Posted in: