Marah?

Ramai urang inda suka arah ku. Abis segala cacian, umpatan, sumpah-seranah, kritikan dan komen-komen padas ku terima. Abis ni betempiasan aying liur masin dari sumpah seranah durang tekana arah muaku. Baik jua inda bejerawat muka ulihnya. Sepadas-padas lada padi, padas lagi cacian durang. Tapi aku tatap menerimanya dengan penuh sabar. Ada hikmahnya kali durang banci arahku ani. Antah mengapa kah durang banci banar-banar arahku. Padahal apa yang aku buat untuk durang ani adalah demi kebaikan durang & manusia sejagat.

Masa aku alum ada dulu, inda abisdurang ingau, walaupun durang sadar yang aku kan datang bejumpa durang lambat-laun. Yang durang tau kan enjoy saja. Melepak, memalui & mengacai saja keraja durang. Sudah aku kan datang, barutah begeragas membuat preparation kan menyambut aku. Sudah atu, aku kamu salahkan. Cubatah sedia-sedia awal-awal. Apa nya peribahasa, "sediakan mask sebelum jerebu".

Siapa yang patut disalahkan dalam hal ani? Of courselah abisdurang punya salah. Bukannya aku yang sengaja kan membuatkan durang marah. Durang atu jua bah. Mun last minute, cemanatah jua. Hasilnya hectic lah. Kan bisai kalau kan menyambut aku atu, awal-awal bah buat preparation. Inda berabut. Utak pun inda beserabut memikirkan.

Tapi ada jualah some of them yang appreciate aku. Kadang-kadang sanggup durang susah payah sampai inda betidur malam, demi menyambut kedatangan ku. Atu tah yang membuat ku ngilu dada.

So sungguhpun kamu banci atau appreciate aku, aku andang akan sentiasa disisi kamu. Hidup kamu bergantung arahku. Pasal aku tah kamu masuk uni, belurih keraja, dapat usin, dapat girlfriend, dapat bini dan sebagainya. Kalau ku sabut semua, gerenti inda cukup satu muka surat. 10 muka surat pun alum tantu cukup.Kamu mesti tertanya-tanya siapa diriku ani sampai kana banci ulih urang ramai ani wah. Aku ani tah yang kamu galar sebagai "EXAM".


ps: Karang aku exam. Wish me luck.

Posted in: