My Term break part 15

previously: Setelah si Veronica driving telampau laju berabis, akhirnya kedua-dua kerita ungu yang tailgating kami inda lagi te-uyung. Walaupun kijang nyamu, speed kalah kerita F1. Beberapa lama kemudian kami pun sampai ke Hotel Hill Tonne, dimana back-pack yang isinya menjadi tanda tanya ku akan terjawab lapas betamu sama Buajah Timah.

Aku dan si Veronica pun melangkah masuk ke dalam hotel yang aku sendiri inda pasti sama ada atu hotel mewah atau hotel murah. Tapi kalau menurut POV ku, aku bagi rating 6.7023 out of 10 lah. Tapi ku deduct lagi markah sebanyak 1.7023 pasal namanya inda ori. Hill Tonne atu kan sama bunyinya macam Hilton bah. Ciplak usulnya bui. Macam Adidud meniru Adidas. Atau Mumbro meniru Umbro. So final mark 5 out of 10 lah. Sikit lagi fail tu. Nyawa-nyawa ikan sudah.

Sambil menyikut back-pack, aku pun mengekori si Veronica dari belakang menuju ke tempat receptionist. Lapas atu si Veronica pun menyuruh aku menunggu & duduk di lobby sementara ia betanya arah receptionist dimana bilik Buajah Timah.

Tanpa sebarang protes & tunjuk rasa aku pun mengikut saja arahan si Veronica. Karang dikubit-kubitnya tangan sama pipiku mun aku memprotes.

So, aku pun pigi ke lobby yang berada berhampiran sama the reception. Tempat duduk di lobby masa atu hampir-hampit kusung. Ada seorang uncle tua saja yang duduk di sana sambil membaca surat khabar. Uncle tua atu notice akan kehadiran ku dan memberikan aku satu senyuman. Harap-harap senyumannya atu satu sedakah saja & inda ada makna-makna yang tersirat mahupun yang tersurat. Tau-taulah, masa ani paedophile dimana-mana & merata-rata. Nauzubillah.

Usulnya uncle tua atu bedarah asia tenggara. Rambut dan segala janggutnya semua ditumbuhi dengan uban. Tapi aku inda pasti ia atu dari negeri mana. Bulih jadi jua urang Brunei, tapi galat jua ku kan menagur.

"Bah lalihkan tia punggungmu atu dari kerusi ah. Tauku sudah dimana bilik Buajah Timah,"ujar si Veronica.

"Rileks bah. Chill-chill dulu. Baru jua seminit ku duduk ani. Sofa ani pun alum panas kali ulih punggungku kau ani,"balas ku yang sudah terasa comfortable di atas sofa di lobby atu. Mun tidur nyaman ni bui.

"Bah, bah. Chill tah dulu sekajap. Macam taisliur jua rasanya ku meliat kau duduk ah."

Lalu si Veronica pun merabahkan dirinya ke atas sofa di sebalah kananku. Tecium ku bau rambutnya yang harum semerbak. Apa banar shampoo yang dipakainya sampai harum cemani ani. Baik jua aku ani tahan nafsu, mun inda.. Abis bah ni rambutnya ku gigit-gigit sama cium-cium kali.

Beberapa minit kemudian kami pun melalihkan punggung kami dari atas kerusi atu. Sikit lagi tetidur sana bah. Baik jua aku tekantut (silent pulang tapi baunya.. masya-allah). Mun inda tidur mati kami tu.

"Bau apa kan ni?"tanya si Veronica sebaik saja sadar te-cium bau kantutku.

"Antah eh. Receptionist atu bekantut kali. Bah, lakastah jalan eh. Inda ku tahan baunya ani. Mati lamas ku karang mun batah-batah mencium,"jawabku tanpa rasa bersalah. Ku tuduh lagi receptionist yang bekantut tu. Padahal aku yang bekantut. Syabasss.

So kami pun berangkat dari lobby. Uncle tua yang tadi santai di lobby hilang entah kemana. Mungkin ia bejalan keluar atau balik ke biliknya kali.

Menurut receptionist, Buajah Timah tinggal di bilik 221. Meaning kami tepaksa naik ke tingkat 2 lah tu. Sebagai manusia yang malas, instead of naik tangga, of courselah kami naik lif. Tapi yang banarnya bukan pulang malas, ganya kesian kan pihak hotel atu mahal-mahal membayar untuk membuat lif. Rugi jua durang kan tu mun inda kana pakai lif yang durang buat atu.

Si Veronica pun mengatik button numbur dua sebaik saja kami masuk ke dalam lif. Tunggu punya tunggu, akhirnya kami pun sampai di tingkat dua dan pintu lif pun terbuka. Alangkah kebeliangannya hati kami bila ada urang mengacukan sepucuk pistol ke arah kami sebaik saja pintu lif terbuka sepenuhnya. Urang atu ialah uncle tua yang duduk di lobby tadi.

Labih sudah ni word limit ku. Yatah tepaksa disambung....

Posted in: