Cerita ani hanya rekaan semata-mata. Inda ada berkaitan sama saudara-mara atau jiran sebalah-menyubalah rumah kamu ni (harap-harap nadalah. Mun ada pun, eksen kamu tu). Cerita ani nada berniat kan meng-offend siapa-siapa. Minta maap minta ampun tah ku awal-awal ni before hari raya kunjung tiba kalau ada siapa-siapa terasa.
***
Wassup bui & gal. Apa ada? Aku inda ada apa-apa pulang ni. Bagas ke Mall tadi ni. Bagas shuffling. Aku crew BoBoI_ShUffLerZ kali ah. Jangan inda galat. Namaku Si Maimon. Tapi eksenku. WaWaWA. Awuwah, namaku yang banar si Amin bah. Tapi atu nama pindik. Nickname MSN ku HeLL_BoyZ12345678910. Atu ragat!! I LAIK TOH!! AhakZ.
Kalau dalam I.C, namaku Mohammad Aminuddin Hashimuddin Indrawan Gunawan Awan bin Haji Tabung. Inda ku paham mengapa pe-indungan ku menamakan aku panjang-panjang. Sekali sudah atu, kana panggil si Amin jua ganya. AhakZ.
Kamu kan tau? Kalau kamu inda mau tau, inda pulang apa. Bukannya aku memaksa jua. WaWaWa. Siapa-siapa saja yang kan mau tau atu, teruskan tah membaca memoir ku ani.
Selama ani hatiku dilanda dukacita saja bah. Masa ku jalan-jalan di Mall ari atu, ada ku tedangar urang mengucap aku poklen. Marah jua ku tu. Baik jua aku ani penyabar. Mun inda abis ke hospital tu anak ah. Ia yang poklen kali. Ku liat usulku ani inda jua macam poklen. Fashion ku ikut fashion semasa kali ah. Rambut emo, sampai tepampan mata sebalah kananku. Baju hitam tight ada gambar Iron Maiden dapannya & ku lapisi sama hoodies (panas jua eh memakai ah). Pakai seluar skinny Jeans. Kasut Van (bukan Vans) ada checkerboard pattern. Bisai jua tu pakaianku atu. I LAIK TOH!! Tapi masih jua durang label aku poklen. Inda ku paham eh. Apa yang membuatkan aku poklen kan? Ani yang membuatkan aku marah ni.
Kalau dalam I.C, namaku Mohammad Aminuddin Hashimuddin Indrawan Gunawan Awan bin Haji Tabung. Inda ku paham mengapa pe-indungan ku menamakan aku panjang-panjang. Sekali sudah atu, kana panggil si Amin jua ganya. AhakZ.
Kamu kan tau? Kalau kamu inda mau tau, inda pulang apa. Bukannya aku memaksa jua. WaWaWa. Siapa-siapa saja yang kan mau tau atu, teruskan tah membaca memoir ku ani.
Selama ani hatiku dilanda dukacita saja bah. Masa ku jalan-jalan di Mall ari atu, ada ku tedangar urang mengucap aku poklen. Marah jua ku tu. Baik jua aku ani penyabar. Mun inda abis ke hospital tu anak ah. Ia yang poklen kali. Ku liat usulku ani inda jua macam poklen. Fashion ku ikut fashion semasa kali ah. Rambut emo, sampai tepampan mata sebalah kananku. Baju hitam tight ada gambar Iron Maiden dapannya & ku lapisi sama hoodies (panas jua eh memakai ah). Pakai seluar skinny Jeans. Kasut Van (bukan Vans) ada checkerboard pattern. Bisai jua tu pakaianku atu. I LAIK TOH!! Tapi masih jua durang label aku poklen. Inda ku paham eh. Apa yang membuatkan aku poklen kan? Ani yang membuatkan aku marah ni.
Label poklen yang kana bagi arahku inda abis disana. Masa atu aku chatting di MSN. Aku dapat email chickz lawa dari kawanku, si Fahmi a.k.a RaGaT_BoyZ. Ngam-ngam time atu ada chickz atu online. So, apa lagi. Aku tagur lah. I LAIK TOH!! Ahakz. Malangnya aku inda kana layan. Ia ucap aku poklen. Katanya ia sanak membaca apa saja yang ku taip. Aku atu menaip cemani "Uitzzz. U aDa BoyPren Udhz?? mE aLuM pLangZ aDa GF Ni, AhAkz. BuLeh beKenaLanZ?". Sekali dibalasnya, "Poklen jua kau ani eh". Marah jua ku tu. Adakah di labelnya aku poklen tarus-tarus. Apa yang membuatkan aku poklen kan? Inda ku paham eh.
Lagi sebuting insiden di Mall. Masa atu macam biasa aku dengan BoBoI_ShUffLerZ crew yang lain, sedang shuffling. Kan show-off skill kami. I LAIK TOH!!! AhakZ!! Yatah masa kami siuk-siuk shuffling atu, ada dua orang laki-laki si-taie ani meliat kami dengan sinis. "Poklen tah banar durang ani. Nada keraja lain kah poklen ani, kan shuffling tah ganya. Cubatah menari Adai-Adai kah, menari pocho-pocho kah. Kan bisai,"kata salah seorang laki-laki atu arah kawannya. Bedidih jua hati kami mendangar tu. Baik jua kami ani inda samseng. Mun inda kembali kerahmatullah sudah durang tu. Kami shuffling bisai-bisai pun kana ucap poklen. Apa yang membuatkan shuffling ani poklen kan? Untuk kali ketiganya inda ku paham eh.
Di MSN atu aku ada ramai kawan. 80% kawan secara virtual pulang tu. Meliat mua inda pernah. Yatah ada sorang chickz ani, nickname nya LoneLy_GaL_FrOmRImBa. Kami ani kira rapatlah macam couple. Kalau aku emo, aku bemanja arahnya. Kalau ia emo, ia bemanja arahku. I LAIK TOH!!! AhakZ!! Tapi arah chatting pulang saja tu. Ia puji aku ani suwit, good listener, happy go lucky dan sebagainya. Kambang kampis jua idung ku membaca tu. Sekali lapas 3 bulan ia pun behajat kan bejumpa aku di Mall. Kira blind date lah. Mula-mula inda pulang ku mau, tapi lapasnya memajal, tepaksa lah jua. Pasal apa mula-mula aku inda mau atu? Pasal kalau sama bini-bini aku ani malu-malu babi sedikit.
Yatah masa date atu, aku inda banyak bunyi. Oleh sebab atu si LoneLy_GaL_FrOmRImBa atu pun sanak arahku. "Poklen jua kau ani eh!! Arah MSN suwit kau, tapi in real life pahit!!"ucapnya arahku before di-dumpnya aku. I DONT LAIK TOH!!! Lagi sekali aku kana ucap poklen. Indakan pasal atu pun, aku ani jadi poklen. Apa yang poklennya kan? Berapa kali sudah ku inda paham ani. Sanak ku.
Seriously, apa yang membuatkan aku ani poklen ani kan?? Inda ku nampak apa yang poklen arah ku ani. Jangan-jangan durang yang mengucap aku poklen atu yang poklen kali. Bah eh, aku Si Amin a.k.a HeLL_BoyZ12345678910 kan out dulu. Peace yawww. AhakZ!!
***
ps: Aku saja-saja kan membuat cerita ani before aku post finale for Teenage Angst. Sorry ah kalau post ku yang sebuting ani satirical sedikit. Yatah sebabnya aku minta maap atu hehe.
0 comments:
Post a Comment