Once upon a time...

Cerita ani diambil dari kisah benar. Urang-urangnya terpaksa dibagi nama samaran, mun inda malu-malu kucing parsi tia karang abis durang.

Once upon a time, ada sebuah parents ani baru balik dari UK sama kedua-dua anaknya. Yatah isuknya tarus lah durang bawa anak-anak durang atu melapor di MOE. Sekali on the way keluar dari pagar rumah, ada durang teliat seorang jiran yang di tinggal disebalah rumah sedang bejalan-jalan di luar rumahnya. Kan merehatkan minda kali. Yatah sebagai sebuah rakyat Brunei yang mengutamakan keharmonian antara jiran sebalah-menyubalah rumah, parents atu pun menagur jiran atu.

Parents: Assalamulaikum kaji.

Jiran: Waalaikumsalam. Eh, kan ke mana abiskita ni? (sambil meliat-liat ke dalam kerita)

Parent laki: Anu. Ni nah kan membawa peranakan ke MOE. Baru balik dari UK ni nyanta.

Jiran: Ahhh. Anak-anak saja ni? (mengamati anak-anak parents atu yang sedang duduk di belakang)

Parent bini: Awu. Yang seorang atu, bagas graduate tu. Yang seorang atu lagi kan masuk tahun dua.

Jiran: (masih mengamati anak-anak parents atu sambil menunjukkan mua kehairanan) Anak-anak saja ni ah...?

Parents: Awu..

Jiran: Anak bini-bini atu bah? Anak abiskita kan tu? Bukan anak abiskita semua laki-laki kan?

Parent bini: (Ketawa) Ihhhh, laki-laki tu yang berambut panjang atu nyanta. Alum ia begunting tu. Abangnya begunting pulang sudah tu.

Jiran: Adidih laki-laki tu.... yatah nyangku, perasanku mana abiskita ada anak-anak bini-bini kan. Tapi mun nya bini-bini lawa ni!!

Conversation antara parents dan jiran atu pun diakhiri dengan hilai ketawa. Lapas atu sebalah patangnya, anak yang berambut panjang atu pun menggunting rambutnya. Syabasss.

ps: Yang banarnya anak yang berambut panjang atu aku bah tu. Yang syabasnya masa ia becakap "Mun nya bini-bini lawa ni" atu lah. Inda ku sure patutkah aku terima kata-katanya atu sebagai pujian atau inda tu hahahahaha. Syabassss ehhh

Posted in: