One night

Based on a true event.... Tapi eksenku.

Jam di laptop ku sudah menunjukkan pukul 12.30 malam. Sebagai seorang jelama yang banyak assignments kan di-abiskan, of courselah time-time cemani ani bukannya kan menyiapkan assignments atu. Procrastinating lah seperti biasa. Procrastinators ani leaders of tomorrow kali ah. Cuba kamu liat Obama ah, ia atu dulu suka procrastinating jua tu. Macam tah inda ku tau. Sekali liat sudah basar jadi Presiden US. Syabas. Bah, siapa-siapa yang kan rasanya jadi menteri atau boss atau CEO, tingkatkanlah sikap procrastinating kamu haha.

Sedang aku siuk-siuk meliat youtube, tiba-tiba jendela ku kana katuk. Siapa lagi mengatuk jendelaku tangah-tangah malam ani. Mula-mula inda ku ingau. Mana tau urang buat prank saja. Indakan urang bejual nasi katuk yang mengatuk jendela ku atu kan. Seminit lapas atu kana katuk lagi. Tapi kali ani kuat katukkannya atu. Kan rubuh ganya inda bah rumah ku ani. Akhirnya aku pun menyingkap tabirku untuk meliat siapa gerangannya yang mengatuk tabukku atu.

Ai, nada urang. Sudah nyangku, urang membuat prank ni. Nada lain keraja durang ani. Anikan urang sibuk (sibuk meliat youtube haha). Sebelum ku menutup balik tabirku, aku teliat ada keratas melakat arah jendelaku atu.

"Ih apa lagi ni?"ujarku setelah perasan akan kewujudan keratas atu.

Aku pun membuka tabukku dan mengambil keratas yang melakat di luar ceramin jendelaku atu. Eh, ada tulisan ni. Aku pun membacanya.

"BILA KAN KAU UPDATE BLOGMU?? TAU KAU, BETAPA SIKSANYA KU MENUNGGU UPDATE DARI CERITA TERM BREAKMU ATU!! BAIK KAU UPDATE LAKAS, MUN INDA SOMETHING BAD WILL HAPPEN TO YOU!!!"

What the... Ceh, siapa lagi membuat prank ani. Inda lain keraja abis durang ni urang kent haha. Mun ganya sekadar prank cemani ani, inda ku gagar. Aku pun membuang keratas atu ke dalam tong sampah. Inda batah atu mataku semakin barat, dan aku pun tertidur.

Antah seberapa lama ku tidur atu tiba-tiba aku terbangun ulih satu bunyi yang mencurigakan dalam bilikku. Dalam keadaan yang gelap gelita (pasal aku selalu tutup lampung time tidur), aku mencari-cari dimana datangnya bunyi atu. Tiba-tiba lampungku kana switch on. Dan aku pun telumpat di katilku pasal kebeliangan.

Maka, di dalam keadaan bilikku yang sudah tarang atu ternampaklah aku satu susuk tubuh yang menyerupai bini-bini lawa berdiri sejauh lima meter didapanku. Subhanalllah!! Akhirnya kana tia jua aku ani meliat hantu. Aku pun membaca ayat kursi supaya hantu atu hilang dari pandanganku.

"Ui, ui. inda paedah kau membaca ayat kursi atu. Bukannya hantu ni aku ani,"kata bini-bini atu sambil menghampiriku.

Oh sh**t, makin hampir ia. Aku pun menyaringkan suaraku sambil membaca ayat kursi. Tapi bukannya kan lari, makin ampir tia pulang hantu atu.

"Bah, baik adang. Bukannya antu ni aku ani!! Setinggi mana pun volume mu membaca ayat kursi masih jua ku stay disini ni."

Aku pun beranti membaca, lalu bertanya,"Abis siapa tah kau ani?"

"Inda kau tau kah? Aku ani pembaca setia blog Boredom Bin mu bah. Selama ani aku membaca blogmu hari-hari. Inda pernah ku miss. Tapi kan semenjak dua menjak ani, aku notice jarang kau update lagi blogmu. MENGAPA KAN TU AH?!" ujar bini-bini atu yang pada mulanya tone suaranya lembut tapi makin lama makin kasar. Tungkal ku pulang nah mendangar. Kalah pulang hantu bah ni. Hantu pun tungkal kali mun mendangar.

"BAIK KAU UPDATE AWAL ANI. TAU KAU KAH BETAPA SIKSANYA AKU MENUNGGU UPDATES DARI MU?!"sambungnya lagi sambil menghampiri aku yang masih betangkumus di katil. Abis beperancitan aying liur masinnya ke muaku.

"Bawa besabar dang. Inda bisai kalau bini-bini lawa macam kau ani teriak-teriak. Aku paham perasan mu atu. Kau mesti paham akan keadaanku masa ani. Aku pun ada life jua. Inda ku dapat bah update blogku hari-hari,"balasku sambil cuba menenangkan bini-bini atu.

"Inda ku dapat sabar bah. Blog mu ani tah yang membuatku ceria & menghilangkan keboringan yang melanda hatiku. Blog mu anitah yang membagi semangat untuk hidup,"kata bini-bini atu sambil menitiskan aying mata.

Eh, deep jua bini-bini ani. Perasanku blog ku ani inda jua berapa. Ani obses banar udah ni kedia ani. Ngilu pulang dadaku mendangar.

"Sorry, kalau aku jarang update blogku. 'Sibuk' ku masa ani bah. Tapi jangan tah kau watir, cuti ku bakal menjelma. Insya-allah aku update selalu tu. Bah, jangan menangis eh. Luntur karang make-up mu ah. Inda tia lawa karang"

Setelah mendangar kata-kataku atu, bini-bini atu pun beranti menangis lalu membagiku satu senyuman yang teramatlah manis. Semanis-manis madu, manis lagi senyumannya. Sikit lagi ku fall in love. Aku ani inda bulih fall in love, karang takutku marah scandal-scandal ku. Kana cubit ku karang ulih durang. Padih kali ah mun kana cubit.

Setelah keadaan sudah semakin tenang aku pun menyuruhnya balik. Indakan ia stay di bilikku kan. Karang hilang terunaku ulihnya. Aku pun menelipun taxi untuk menghantarnya balik. Kesian jua eh. Yatah payah ni urang obses kan aku ani. Sanggup ia datang ke Kent mun ganya sekadar kan menyuruh aku update.

Beberapa minit kemudian taxi pun datang. Sebelum ia pigi, ia sampat bepasan arahku supaya keep blogging. Lapas atu ia pun mengucapkan babai arahku.

Setelah taxi atu hilang dari pandanganku, aku pun masuk balik ke dalam bilikku untuk menyambung tidur. Sekali teringat tia ku something. Lupaku betanya namanya & minta emailnya! Elah, nada tia can kan mengurat ni.

The End

ps: Siapa-siapa yang malar men-check blog ku atu & mau update cerita Term Break ku, please jangan crash rumahku ah macam bini-bini dalam cerita ani. Kalau mau crash, time siang-siang saja. Jangan malam-malam, pasal aku tidur udah tu haha =p. Aku buat cerita ani pasal kan mewarning kamu, maybe aku inda dapat update blogku in the next two weeks. Sibuk bui haha.

Posted in: