My Term break part 11

Lahh abisdurang rupanya. Geng-geng acai ni. Kawan-kawan seperjuanganku di MS dulu. Si Farhan, si Awie, si Ali & si Khairul a.k.a Bacca'Rol' Sagna. Dari tadi ku round-round Brunei Hall, inda ku teliat durang punduk-punduk ani. Kami pun bersalaman-salaman. Macam hari raya aidilfitri tia pulang perasanku time besalam-salaman ani. Sayangnya, angpau ganya nada. Mun ada, bisai jua. Gila, lama sudah ku inda bejumpa durang ani. Antah berama kurun kah sudah kami ani inda bejumpa haha.

Untuk melapaskan rindu yang mendalam pasal batah inda bejumpa atu, kami pun bekunyanyang panjang lebar. Bukannya selalu dapat bejumpa durang ani. Biasalah, sudah habis zaman sekulah, sorang-sorang masuk uni lain-lain. Kalau masa sekulah dulu, malar hangout di canteen. Dapat begossip hari-hari, me-wassup bini-bini, makan soto, minum teh tarik, copy homework. Favourite activity kami of courselah mengacai sama si Acai haha.

Inda batah atu, banyak lagi muka-muka yang ku kenal menampilkan diri masing-masing. Becerita-cerita sama abisdurang ani membuatkan aku lupa semua kejadian yang berlaku arah diriku tadi. Telampau siuk tah sudah tu.

"Eh, Mil. Dimana kau tidur malam ani?"tiba-tiba si Farhan betanya arahku.

"Ni, disini di Brunei Hall ah. Tapi nada bilik kusung, yatah tepaksa tidur di surau,"balasku.

"Inda kau tidur arah rumah si Najib? Kami semua tidur disana."

"Biar tia eh. Disini saja ku tidur. Lagipun aku membayar sudah."

Time siuk-siuk becerita atu, sekalinya kan tekamih tia. Tepaksa tah ku ke jamban. Indakan ku tahan kan. Karang hancing dalam seluar. Siapa jua malu tu karang? Akulah yang malu, indakan kamu. Bukan kamu yang hancing.

Setelah selasai bekamih, aku pun memflush jamban. Lega rasanya yo lapas bekamih ani. Before keluar aku memastikan dulu zipku tertutup rapat-rapat. Karang nampak tia bini-bini boxer doraemon yang ku pakai masa ani. Kalau durang nampak, inda tia dapat dikontrol ke-macho-an ku lagi. Malu lah ku tu seumur hidup sampai inda betidur seribu satu malam.

Sebelum keluar jua, aku mencuci tanganku terlebih dulu sepertimana yang selalu kana iklankan di RTB. Aku pun meliat ke dapan dan tenampak urang hensem dalam ceramin. Lah, reflection ku rupanya. Pikirku urang hensem mana tadi, rupanya aku sendiri. Saspen eh.

Lapas atu aku pun mengaga pintu untuk keluar. Alum pun ku sampat ku menjangkau handle pintu atu, ada tia urang masuk. Ai, macam kenal urang ani. Si Kamilin jua ni.

"Eh, kam!"tagurku.

"What the?! Eh kau Mil? Kebeliangan ku kau ani eh. Bila kau sampai? Nyamu kau kan datang on Tuesday,"jawap si Kamilin yang usulnya tekajut.

"Bah, karang tah ku membagitau. Pakai tia jamban ani dulu. Karang hancing sama tekirit kau pulang. Bah jumpa karang di luar ah. Durang si Awie, si Far pun ada tu."

"Bah, awu eh. Jangan saja kau nada karang haha"

Kemudian aku pun keluar dan pigi balik arah geng-geng acai yang danganku becerita tadi. Alum pun sampat ku mengampaikan punggungku ani ke kerusi tiba-tiba the receptionist membuat announcement,"To Milzam Dr Hj Morsidi, please come to the reception counter now."

Kebeliangan pulang hatiku nah, bila namaku kana sabut ah. Full name lagi tu. Apa lagi masalahnya ni sampai full name ku kana sabut ani?

Posted in: