Antah

Jam di laptopku masa ani sudah menunjukkan pukul 2:52 pagi. Aku masih merenung laptopku dengan harapan idea akan muncul secara tiba-tiba. Malangnya idea atu masih jua alum keluar. Pemalu kali idea ani. Yatah inda mau keluar atu. Apa patut ku type untuk sambungan cerita Teenage Angst part 3 ani ah. Talur kali eh, kan seminggu sudah inda ku tesambung cerita ani. Jangan-jangan mengamuk kali kamu ni pasal batah menunggu. Harap-harap para pembaca supaya dapat bersabar & jangan suka-suka hati kan mogok dapan rumahku. Cubit karang pipi atu.

Time-time free cemani ani, patutnya idea atu ada bah. Ani terabang antah kemana. Mungkin terabang ke Brunei kali. Terlampau memikirkan kan balik ke tanah airku yang tercinta, Negara Brunei Darussalam kali yatah idea atu pun malu-malu babi kan keluar. Karang masa sibuk-sibuk, asi-asi idea atu datang. Pandai jua penyeluru idea ani rupanya. Pikirku urang ganya yang pandai penyeluru ani.

Untuk inda menghampakan para pembaca yang barangkali kan mengamuk sampai kan menerajang anak-anak kucing terbiar di jalanan, maritah aku update blog ku ani. Inda pulang seberapa ni. Sekadar yang ku mampu saja ni.

Dalam blog ku ani selalunya aku post cerita. Kalau post yang genre "bekunyanyang" atu adalah jua. Inda banyak tapinya. Mungkin dalam 10% lah termasuk post ku kali ani.

Sebagaimana yang kamu ketahui, kelmarin-kelmarin aku baru habis exam. Examnya: "Bahasa Jawa". Awu jangan tekajut, aku belajar Bahasa Jawa atu untuk mendalami bahasa Jawa supaya dapat bekurapak sama urang-urang Jawa. Tapi eksenku pulang tu. Bagi sesiapa yang inda dapat menangkap joke ku atu FYI Bahasa Jawa atu ialah Java Programming Language.

Yatah tu second & final exam ku. First examku masa last two weeks pasal Computer Systems. Hopefully pass lah dua-dua, amin. My other modules semua pass sudah, alhamdulillah. Tinggal dua atu saja lagi. Lapas habis saja exam Bahasa Jawa, maka aku mengisytiharkan kemerdekaan ke atas diriku. Sepertimana quote si Haikal yang famous, "MERDEKEEEE!!"

Bila ku pikirkan balik-balik, memang inda terasa bah 1st year ku as a univeristy student ani. Dari bulan September last year sampai June this year. Banar tah tu kata-kata urang tua yang pernah ku overheard masa ku menghadiri jemputan kahwin jiran sebalah rumahku dulu, "Sesungguhnya masa atu cemburu dengan kitani."

So apatah yang ku belajar dalam lebih kurang 9 bulan mengambil course Multimedia di Kent ani? Banyak. Inda cukup satu muka surat ni mun ku membagitau. 1000 muka surat pun alum tantu cukup. Aku bagitau yang interesting sajalah, supaya kamu inda mengantuk membaca.

Diantara semua 8 modules yang ku belajar my favourite has to be Visual Communication. Ani paling payah, paling banyak keraja, paling stressful tapi paling siuk. Banyak ku discover benda-benda baru lah masa ku belajar module ani.

Visual Communication atu basically pasal "the art of looking & the art of seeing". Ada kena mengena dengan art lah. Tapi bukan practical, its more to theoretical. Since aku nada background art, aku kepayahan lah. Andang aku struggle ni module yang sebuting ah. Tapi yang siuknya, aku banyak discover benda-benda baru pasal art ani. For example, famous painters & artists, Graphics Design, Freefrom Styles, Typography, Photography & etc. Dulu inda ku berapa tau ni pasal perkara-perkara ani. So Im glad dapat tambah my knowledge lah sepanjang ku belajar Visual Communication ani. Another thing yang siuk pasal module ani, kami pernah kana bagi assignment pasal "Female Nudity" haha.

So atulah module ku yang paling siuk bagiku. Ada lagi dua buting siuk. Nanti tah ku becerita. The rest of my modules mostly programming lah & maths. Atu inda payah ku becerita tu. Boring tu. Kamu jua menguap-nguap karang membaca. Aku pun tenguap-nguap sudah ni. Aku yang menaip ani sudah mengantuk, apatah lagi kamu yang membaca. Bah tidur ku dulu. Mudahan tah masa ku tidur ani, muncul idea-idea bernas untuk menyambung cerita Teenage Angst.

Posted in: