Selamat tahun baru Masihi 2010 dan tahun baru Hijrah 1431. Atu ahir membuat ucapan tahun baru. Since masih bulan January dan bulan Safar, kira valid lah masih ucapan tahun baru ku ani kali. Macam batah kan inda berupdate blog ku ani. Aku buka pun, behabuk bah sudah blog ku ani. Tepaksa ku sapu dulu sama duster sampai teberasin-berasin hidungku. Baik jua inda kana selesma babi. Secara terus terang tah ku bagitau, aku yang sebenarnya kekeringan idea. Umpama tong sampah inda kana isi dengan sampah sarap. Atau umpama beg duit inda berduit. Jangankan duit, uras pun nada. Atu alasan nombor satu. Alasan nombor dua, aku sebenarnya sibuk. Sibuk memikirkan masa depan. Macam banar.
Tutup mata, buka mata, tutup mata, buka mata, kurik hidung & garu ketiak inda sadar sadar tahun baru tia sudah. Makin tua sudah rupanya aku ani. Tapi masih maintain hensem lah. Kalau diikutkan masa 10 tahun yang lalu, aku ani cuma seorang kanak-kanak yang hanching. Masa atu aku masih belajar dalam darjah enam, periksa PCE.
Siok eh time kanak-kanak dulu atu. Masa bersunat saja inda siok. Tapinya masa ani ulah masih jua macam kanak-kanak, walaupun umur ani inda lagi batah kan maghrib. Jiwa ani sentiasa muda dan happy. Kalau jiwa ani selalu dilanda kemurungan, selalu emosi & overly sensitif, mua pun jadi sanang bekeradut. Mun sudah bekeradut, siapa kan meminang? Jangankan putera raja, penganggur pun inda mau meminang kali. Haha labih. Anyways, atu tah prinsip hidupku. Ceria ceria selalu.
Masa ku menaip ani pukul 3 pagi di UK. Mata ku kalat sudah yang banarnya. Tapi menurut firasat hatiku, aku mesti update blog ku ani awal ani jua. Demi pembaca. Atupun kalau ada yang sudi membaca. Yang banarnya aku nada cerita baru kan dikongsikan. Sudah nyangku, kering kontang ideaku. Maka, sebagai penggantinya, aku ceritakan lah sikit pasal tahun 2009. Macam-macam kisah yang terjadi arahku masa tahun 2009 ani. Ada ada saja.
Inda ikut timeline ni listnya ani. Nada ikut ranking jua ni.
1. January 2009 (Kalau ku inda silap). Masa on the way balik dari Oxford (berjumpa si Kamilin, si Wafi, si Mai & si Onn) aku terstuck dalam train selama sejam setangah, pasal salji turun labat. Bayangkan masa atu betapa boringnya aku menunggu dalam train atu. Laptop habis battery, so nada entertainment. Aku lagi travel sorang-sorang, so nada dangan kan becerita. Last-last aku sampai balik ke rumah pukul 10 malam.
2.February 2009. Aku baru keluar dari rumah kan bejumpa kawan di library. Masa atu pukul 7 malam kali. Yatah masa ku keluar ani, ku liat di rumah sebalah ku ani ada dua gadis manis orang putih diri-diri. Mungkin menunggu kawan durang kali. Sekali one of them memanggil aku.
"Hiya, i need your help. My friend here is going to have a date. What do you think of her dress? (pointing to her friend's breasts). Should it be lower or higher?"
Sekali aku jawap, "Erm. I think the lower, the better."
"See, I told you! You look better if you lower it a bit (arah kawannnya)"
Atu random berabis.
3. April 2009. Masa main touch rugby di Loughborough, akibat belari sampai inda sampat beranti, kepalaku terlanggar tong sampah(aluminium lagi tu). Baik jua luka damit saja. Nasib, nasib. Mun pacah kepala? Nauzubillah.
lapas the accident
sekali kana plastar ganya.
4. April 2009. A really close friend of mine (you know who you are) membagi aku three packets of Fisherman's Friends apple & cinnamon flavor (kegemaran ku). Kana terabangkan khas dari Brunei ke UK melalui seorang sahabat jua (you know who you are). So kepada dua orang kawan atu, terima kasih banyak-banyak!
5. July 2009. Dalam bulan ani, secara rasminya rambutku inda begunting selama 9 bulan. Paling panjang pernah ku simpan dalam seumur hidupku. Tapi inda batah atu, aku gunting pasal kana salah anggap sebagai bini-bini. Masih ku ingat tu apa yang kana cakapkan arahku "Munnya bini-bini, lawa ni."
9 bulan inda bergunting
6. July 2009. My family datang ke UK seminggu sebelum aku balik ke Brunei sama durang. Having your family around you is fun. Membawa durang jalan-jalan. Tapi yang paling siok lah, makan masakan mama setelah 9 bulan inda merasa masakkannya.
7. June 2009. Belayar ke Norway. Kulitku yang galap, bertambah galap masa ku disana akibat terlampau expose dengan cahaya matahari. Tapi masih maintain hensem lah.
lepak dapan opera house di Oslo.
8. April 2009. Champions League Semi-Final. Arsenal Vs Man Utd. Aku liat the match arah rumah abangku di Loughborough. Bayangkan dalam rumah atu aku saja seorang Arsenal Supporter. Yang lain dangan meliat ani semua Man Utd fan. Apa lagi, aku kana bomb lah. Lurus-lurus lagi Arsenal kalah malam atu. Panas telinga mendangar durang bersorak.
9. June 2009. Student ID & bus pass ku tercicir. Nasib jua bus pass atu kan expire dalam dua minggu. Mun inda, kepisan membayar kalau membuat yang baru. Tapi student ID terpaksalah aku buat yang baru. 10 pounds terabang lah. Syabas.
10. September 2009. Masa puasa aku sungkai dengan kawan-kawan di restoran Serikandi. Lapas habis makan, out of nowhere ada seorang kawan ani (namanya si Amal Zafirah haha) tiba-tiba muncul. Ia sepatutnya di Oz masa atu. Kami inda expect ia balik ke Brunei. Bayangkan betapa bangangnya (dengan reaction masing-masing) kami masa meliat ia masuk ke restoran atu tanpa rasa bersalah. Atu baru the biggest surprise ever. Rupanya ia berkomplot dengan si Wafi yang sedang sungkai sama kami.
Surprise, surprise. (gambar yang ku curi dari fb si Wafi)
So there you go.Kalau dipikirkan balik-balik, semua yang terjadi pada tahun 2009 atu macam baru kelmarin bah. Laju masa atu berlalu. Ani tahun 2010 tia sudah. Inda ku tau apa lagi karang kisah-kisahnya ni tahun 2010 ani. Apa-apapun harap-harap tahun 2010 ani semua orang upgrade diri masing-masing. Belajar dari kesilapan tahun lapas. Siapa yang ada azam baru atu, jangan hangat-hangat tayi ayam.
Ani mungkin post ku yang terakhir. Lapas ani mungkin aku inda lagi menyambung Boredom Bin, pasal inda lagi tekabir blog ku ani. Atau mungkin Boredom Bin ani berehat buat sementara waktu. Apa-apapun, thanks to everyone yang sudi membaca blogku ani. Akhir kata dari aku, have a great year & Assalamualaikum.
Tutup mata, buka mata, tutup mata, buka mata, kurik hidung & garu ketiak inda sadar sadar tahun baru tia sudah. Makin tua sudah rupanya aku ani. Tapi masih maintain hensem lah. Kalau diikutkan masa 10 tahun yang lalu, aku ani cuma seorang kanak-kanak yang hanching. Masa atu aku masih belajar dalam darjah enam, periksa PCE.
Siok eh time kanak-kanak dulu atu. Masa bersunat saja inda siok. Tapinya masa ani ulah masih jua macam kanak-kanak, walaupun umur ani inda lagi batah kan maghrib. Jiwa ani sentiasa muda dan happy. Kalau jiwa ani selalu dilanda kemurungan, selalu emosi & overly sensitif, mua pun jadi sanang bekeradut. Mun sudah bekeradut, siapa kan meminang? Jangankan putera raja, penganggur pun inda mau meminang kali. Haha labih. Anyways, atu tah prinsip hidupku. Ceria ceria selalu.
Masa ku menaip ani pukul 3 pagi di UK. Mata ku kalat sudah yang banarnya. Tapi menurut firasat hatiku, aku mesti update blog ku ani awal ani jua. Demi pembaca. Atupun kalau ada yang sudi membaca. Yang banarnya aku nada cerita baru kan dikongsikan. Sudah nyangku, kering kontang ideaku. Maka, sebagai penggantinya, aku ceritakan lah sikit pasal tahun 2009. Macam-macam kisah yang terjadi arahku masa tahun 2009 ani. Ada ada saja.
Inda ikut timeline ni listnya ani. Nada ikut ranking jua ni.
1. January 2009 (Kalau ku inda silap). Masa on the way balik dari Oxford (berjumpa si Kamilin, si Wafi, si Mai & si Onn) aku terstuck dalam train selama sejam setangah, pasal salji turun labat. Bayangkan masa atu betapa boringnya aku menunggu dalam train atu. Laptop habis battery, so nada entertainment. Aku lagi travel sorang-sorang, so nada dangan kan becerita. Last-last aku sampai balik ke rumah pukul 10 malam.
2.February 2009. Aku baru keluar dari rumah kan bejumpa kawan di library. Masa atu pukul 7 malam kali. Yatah masa ku keluar ani, ku liat di rumah sebalah ku ani ada dua gadis manis orang putih diri-diri. Mungkin menunggu kawan durang kali. Sekali one of them memanggil aku.
"Hiya, i need your help. My friend here is going to have a date. What do you think of her dress? (pointing to her friend's breasts). Should it be lower or higher?"
Sekali aku jawap, "Erm. I think the lower, the better."
"See, I told you! You look better if you lower it a bit (arah kawannnya)"
Atu random berabis.
3. April 2009. Masa main touch rugby di Loughborough, akibat belari sampai inda sampat beranti, kepalaku terlanggar tong sampah(aluminium lagi tu). Baik jua luka damit saja. Nasib, nasib. Mun pacah kepala? Nauzubillah.
lapas the accident
sekali kana plastar ganya.
4. April 2009. A really close friend of mine (you know who you are) membagi aku three packets of Fisherman's Friends apple & cinnamon flavor (kegemaran ku). Kana terabangkan khas dari Brunei ke UK melalui seorang sahabat jua (you know who you are). So kepada dua orang kawan atu, terima kasih banyak-banyak!
5. July 2009. Dalam bulan ani, secara rasminya rambutku inda begunting selama 9 bulan. Paling panjang pernah ku simpan dalam seumur hidupku. Tapi inda batah atu, aku gunting pasal kana salah anggap sebagai bini-bini. Masih ku ingat tu apa yang kana cakapkan arahku "Munnya bini-bini, lawa ni."
9 bulan inda bergunting6. July 2009. My family datang ke UK seminggu sebelum aku balik ke Brunei sama durang. Having your family around you is fun. Membawa durang jalan-jalan. Tapi yang paling siok lah, makan masakan mama setelah 9 bulan inda merasa masakkannya.
7. June 2009. Belayar ke Norway. Kulitku yang galap, bertambah galap masa ku disana akibat terlampau expose dengan cahaya matahari. Tapi masih maintain hensem lah.
lepak dapan opera house di Oslo.
8. April 2009. Champions League Semi-Final. Arsenal Vs Man Utd. Aku liat the match arah rumah abangku di Loughborough. Bayangkan dalam rumah atu aku saja seorang Arsenal Supporter. Yang lain dangan meliat ani semua Man Utd fan. Apa lagi, aku kana bomb lah. Lurus-lurus lagi Arsenal kalah malam atu. Panas telinga mendangar durang bersorak.
9. June 2009. Student ID & bus pass ku tercicir. Nasib jua bus pass atu kan expire dalam dua minggu. Mun inda, kepisan membayar kalau membuat yang baru. Tapi student ID terpaksalah aku buat yang baru. 10 pounds terabang lah. Syabas.
10. September 2009. Masa puasa aku sungkai dengan kawan-kawan di restoran Serikandi. Lapas habis makan, out of nowhere ada seorang kawan ani (namanya si Amal Zafirah haha) tiba-tiba muncul. Ia sepatutnya di Oz masa atu. Kami inda expect ia balik ke Brunei. Bayangkan betapa bangangnya (dengan reaction masing-masing) kami masa meliat ia masuk ke restoran atu tanpa rasa bersalah. Atu baru the biggest surprise ever. Rupanya ia berkomplot dengan si Wafi yang sedang sungkai sama kami.
Surprise, surprise. (gambar yang ku curi dari fb si Wafi)So there you go.Kalau dipikirkan balik-balik, semua yang terjadi pada tahun 2009 atu macam baru kelmarin bah. Laju masa atu berlalu. Ani tahun 2010 tia sudah. Inda ku tau apa lagi karang kisah-kisahnya ni tahun 2010 ani. Apa-apapun harap-harap tahun 2010 ani semua orang upgrade diri masing-masing. Belajar dari kesilapan tahun lapas. Siapa yang ada azam baru atu, jangan hangat-hangat tayi ayam.
Ani mungkin post ku yang terakhir. Lapas ani mungkin aku inda lagi menyambung Boredom Bin, pasal inda lagi tekabir blog ku ani. Atau mungkin Boredom Bin ani berehat buat sementara waktu. Apa-apapun, thanks to everyone yang sudi membaca blogku ani. Akhir kata dari aku, have a great year & Assalamualaikum.
