Grand Sale

Asal saja ke Hua Ho Tanjung Bunut, misti ku teringat kisah ani ni. Hahahaha, masa Brunei Grand Sale ni perasanku. Ok lah, bulih jua tahan calinya lah. Masa atu aku & family shopping untuk Hari Raya di sana. Barang-barang di sana "murah-murah" pulang. Ada lah yang affordable atu, pandai-pandai lah kamu memilih. Banyak pulang lawa-lawa barangnya, tapi harga pun lawa jua. Salesgirls nya pun ada jua lawa-lawa. Tapi salesgirl mana bulih dibali hahaha. Kalau kan mewassup durang bulih lah.

Ceritanya cemani, aku ani mencari-cari baju. Sekali teliat tia ku baju lawa. Memilih baju ani macam memilih bini-bini bah. Kalau baju atu kitani tepakai, kitani cuba dulu, masuk arah fitting room. Mun sesuai sudah, suka sama suka, ahhh apa lagi, bawa tia ke cashier. Bayar dulu baju atu, jangan dibawa lari. Sama jua macam bini-bini. Jangan dibawa lari ke Thailand. Anak dara urang tu. Apakan aku ah... out tia pulang cerita ku.

Ok.. lapas memilih-milih baju atu, belurih lah ku dua helai baju brand Diesel. Bukan minyak tu ah... Harganya berapa tu ah? Inda ku ingat. Selasai memilih baju, memilih seluar jeans pulang. So, ku agalah arah bahagian seluar. Disana atu ada seorang salesgirl yang sedang melipat-lipat seluar. Sekali ada jeans ani yang ku tepakai, so ku bawalah ke fitting room yang secara kebetualan berdepanan dengan tempat seluar jeans atu. Di dalam fitting room atu mula-mula vaining dapan ceramin sekajap, mengkagumi makhluk hensem (aku lah tu hahaha) yang ada dalam ceramin atu. Lapas atu, aku pun menurunkan zip seluarku, lalu, ku lurutkan seluarku kebawah dan kemudian mengenakan seluar jeans yang baru kupilih tadi. Gila, toit (tight) eh. Tapi sungguhnya toit ku pajal jua pakai sampai abis. Sudah ku pakai, ku liat lah arah ceramin.

"Eh, sejak bila be-shape punggung ku ani? Telampau toit kali jeans ani. Nada muat ni eh,"aku becakap sorang-sorang dalam fitting room.

So, mun sudah inda muat atu, ku pakailah balik seluarku. Bila ku keluar, masa kan menyimpan balik seluar atu, salesgirl yang melipat-lipat seluar disana atu pun menagur aku. Katanya,"Atu seluar bini-bini tu yang kita ambil ah, seluar laki-laki kita aga kesana."

"Oh iakah? Padantah inda muat. Dimana seluar laki-laki?"balasku dengan bongkis.

Ahhhhhh syabas!!! Seluar bini-bini rupanya!! Padantah punggung ku jadi be-shape tadi HAHAHAHAHAHA. Nasib baik inda ramai customer hari atu. Mun inda, syabaslah. Malu berabislah saya. Tapi mun sudah ku ceritakan ani expose tia jua arah kamu. Inda apalah, jadikan saja cerita ani sebagai pengajaran. In the end aku pun belurih two pairs of jeans yang banar-banar konpom untuk lelaki.

Read More

Quotes

Just A collection of quotes yang pernah ku dangar. Ada yang cali, dan ada yang "CALI". Pandai-pandai lah kamu membezakan tu.

>"Nada BREAK wa setupur ku"-chan

>"Semua goal chelsea atu REFLECTION wah tu"-chan

>"SYABAS, makan BIABAS, naik BAS, sekali TEBABAS, masuk hospital RIPAS, bejumpa DR ABAS"-Haikal

>"Gila, high banar ku hari ani. HI HI BYE BYE wah!"-Haikal

>Haikal: "Mil, agatah kau balik bejalan kaki saja"
Mil: "Mestilah bejalan kaki, indakan BEJALAN TANGAN"

>Fakhrin and Mil: "Gila manis jua bini-bini atu"
Haikal: "MASAM-MASAM MANIS ada?"

>Amir: "Bah, away ku dulu. Kan meliat tv ku"
Rujhan: "Bah ok tu. aku kan MELIAT RADIO dulu"

>Someone: "Eh, Rol. Kasut baru kah?"
K-Rol: "Inda. Longgar"

>"Macamana kamu kan membawa makan si Ne-Yo?"
"Ans: Kan makan ku NEYO (kan makan ku ni yo)"-Rujhan

>"Banyak-banyak kasut, kasut apa yang ada kuih?
"Ans:Kan memakai kasut KUEH (kan memakai kasut ku eh)"-Rujhan

>"Each boch. Eh, salah. Each box..."-Rujhan

>"SEKStor-SEKStor swasta...."- Chan reading a text from MIB book. Sepatutnya SEKTOR-SEKTOR swasta pulang tu.

>"Banyak-banyak penyanyi, penyanyi apa yang tumpul?"
"Ans: James BLUNT"-Rujhan

>Mil: "..........aku inda beranti wah"
Rujhan: "Ah? Kau nada auntie?"
Mil: "Ah nada auntie? Apakan?"
Rujhan: "Kau jua becakap, kau inda berANTI(ber-auntie)"
Mil: "CALI jua kau ani"

>Sam:"Bahapa saja kau masa ani Ai?"
Ai: "DUDUK jua ku ni masa ani. Inda kau meliat kan?"
Sam: "CALI jua kau ani Ai"

>penceramah: "You are very Lucky(pointing at guys) and you are very BINI (pointing at girls)"
us: "Eh, pandai jua beCALI penceramahnya ani."

>"Eh Mil, file mu ani brand ABBA rupanya. Pandai menyanyi ni"-Yumnie

>"Suka ku menyabut tekilala ani. Macam KIKI LALA wah bunyinya"-Nadiah

Macam-macam eh. Banyaknya CALI lah. Sebenarnya banyak pulang lagi tu, ganya malas ku mengingati hahaha. Ani saja-saja ku kan mem-post ni. Kan mengisi masa lapang ku saja haha.

Read More

Keluar Angin

Isuk the final day untuk taklimat. Kelmarin aku datang pukul 10, sedangkan taklimatnya start pukul 8.30. Syabas! Tapi bukan pulang ku sengaja datang akhir. Aku ada visa appointment wah pukul 8.35. Appointment ku atu abis in 10 minutes pulang, tapi if ku datang ke IPA awal atu, galak jua rasanya. So aku plan datang ke sana pukul 10 lah, time rehat. Sementara menunggu pukul 10 atu, minum kopi lah sekajap di kadai lingka. Sudah pukul 10, datang lah ku kesana, tarus minum. Inda jua ketara kan aku datang ah. Hahaha syabas!

On the way ke IPA and balik dari IPA aku menumpang si Fakhrin aka Mr. F. Aku sama si Haikal jadi passenger nya. Selama ani Mr.F lah jadi Pak Supir kami. Iatah ada masa atu, kami reminisce kisah-kisah lama masa sekulah di MS Rimba. Gila, banyak eh kenangan manis, masam, pahit dan tawar kami atu. Memang gauk lah kami atu, especially masa form 1-form 3 atu. Macam-macam eh. Each of us has stories to share. Pasal main bulalah, pasal surau lah, pasal basket ball court lah, pasal si Acai lah dan sebagainya.

Dalam siuk-siuk becerita atu, sekali si Haikal becakap,"Ingat kamu masa ugama si Z(bukan nama ori) tekantut?"

HAHAHAHAHAHAHA. Siapa jua yang inda ingat incident atu. I guess most of my batch ingat ni. Cali banar ni. Bayangkan masa sembahyang, masa sujud sebelum tahyat akhir. Sekali tedangar tia kamu urang bekantut. Bunyinya bukannya damit, tapi basar sampai dapat didangar ulih semua jemaah. HAHAHAHAHAHA talur jua tu!

Sebenarnya sorang-sorang ada versionnya ni untuk cerita ani. Kalau aku versionnya cemani. Masa atu kalau ku inda salah, time sujud before tahyat akhir. And then out of nothing, tedangar tia ku bunyi "Pruttttttttttt!". Bunyi kantut lah. Mendangar bunyi atu, kan ketawa ku. Diantara jemah-jemaah yang mostly terdiri dari darjah 5 dan darjah 6 ada yang ketawa udah. Inda tetahan lah tu. Badan ku begagar udah ni menahan ketawa. Ada jua urang ketawanya obvious, tapi masih jua meneruskan sembahyangnya. Syabas! Batal sudah sembahyang, masih jua disambung! Tau tah kamu kanak-kanak.

Atu alum lagi cali tu. Yang calinya lagi, masa si Z atu keluar kan mengambil wudhu(namanya bekantut kan, batal lah sembahyang) masih lagi bekantut wah. Bukan sekali, tapi berkali-kali. "Pruttttttt! Pruttttttt! Prutttttttt!". Kedengaran lagi tu sampai ke dalam! Macamana jua kan khusyuk sembahyang kami tu hahahahahaha. Yang menambahkan kecalian lagi masa cikgu Abu becakap "Nah, telapas tia!". Time atu ada sudah urang yang inda mampu tahan lagi kan ketawa. Time tahyat akhir lagi tu. Atu yang syabas tu.

Lapas abis tahyat akhir, lapas membagi salam, surau atu penuh dengan hilaian ketawa. Melepaskan ketawa yang terpendam bah masa tahyat akhir atu. TALUR!!!! Patutnya kami membaca Al-Fatihah dan doa!! Hahahahahahahaha. Inda ku tau apa rasa si Z masa atu. Malu berabis kali eh. Kalau saya, malu saya tu! HAHAHAHAHA

Read More

007.5:The Spy Who Spoilt Me part 14

Haha kan seminggu rupanya aku inda update. I've been busy lately... Iatah inda ku te-update. Ani barutah ku free kan post sambungan 007.5.

***

previously: Si Mikail Sekupil antah macamana, masuk ke dalam bilik 007.5 masa ia sedang tidur. 007.5 pun kemudian diarahkan keluar dari hotel dan disuruh masuk ke dalam sebuah kerita. Di dalam kerita atu, ia pun kana pengsankan

Aku terbangun dan mendapati diriku berada di sebuah tempat yang inda dapat ku recognise. Kepalaku masih lagi paning-paning lalat pasal kana hantak ah. Aku cuba berdiri, tapi inda dapat. Jangan-jangan putus tia kali urat saraf ku lapas kana hantak atu. Oh, no! Eh, tunggu... Owh rupanya kaki dan tanganku kana ikat, patuttah inda dapat berdiri. Pikirtah putus urat sarafku tadi, membari watir saja.

Ai, The Bodyguards pun kana kidnap jua rupanya. Inda dapat diharap abisdurang ani... Nampak gayanya misi ku kali ani berada di ambang kegagalan. Makin turun tia lagi reputasiku sebagai seorang agen yang cekap dan jim... CERMAT. Sikit lagi ku tecakap jimat.

Tapi aku inda bulih give up, apa-apa ani misti optimistic. Aku misti memikirkan cara untuk escape.

"Oi,"tiba-tiba satu suara menegurku. Aku, apa lagi, terkezut lah dalam ku concentrate bepikir atu. Aku pun menoleh ke belakang mencari-cari siapa punya suara ayu yang membuatku terperanjat sampai sedikit lagi ku tekamih. Well, tekamih pulang.. Tapi setitik ganya sampat keluar. Baik jua inda segelen yang keluar, mun inda syabaslah!

Rupa-rupanya bini-bini yang menagur aku tadi atu. Mula-mulanya aku inda kilala muanya atu. Tapi sudah ku liat banar-banar rupanya.......... Si Alyssa. Datin EP punya daughter yang sepatutnya ku rescue. Inda ku expect aku tejumpa kedia di sini.

"Kau 007.5 kah?"tanya si Alyssa yang usulnya macam alum mandi setahun, walaupun ia baru kana kidnap baru a few days saja.

"Nada ih... Aku ani batman ni,"balasku yang cuba becali, eventhough aku realise sekarang ani bukannya masa yang sesuai untuk bercanda.

"Owh, padantah inda dapat diharap!"

Ouch, gila padas eh! Kalah padas lada yang paling padas dalam dunia ani. Iatahnah... Adakah kan becali saja. Kana sindir pulang nah. Memang inda salah lagi ia ani anak Datin EP. Sama-sama mulut laser. Like mother, like daughter. Kalau ku ikutkan rasa, ku bubuh sudah lada ni ke dalam mulutnya. Tapi apa bulih buat, mana ada lada masa ani. Lagipun masa ani tanganku be-ikat, inda jua dapat membubuh lada ke mulutnya. Plus, ia anak Datin EP, kalau ku apa-apakan kedia, ada harapan lah aku kana fired. Baik tah ku ignore saja. Yang penting masa ani, cari plan untuk melepaskan diri.

Merasakan yang aku kebuntuan idea, aku pun membaguni The Bodyguards untuk membuat group idscussion. Kata psychologist, lagi baik keraja be-group dari keraja sorang-sorang.

"Huh, dimana ku ni?"tanya #1 sebaik saja terbangun dari tidur.

"Jangan-jangan di surga kali kitani ani. Tenang saja rasanya,"#3 menjawab.

"Ai, aku yang jarang sembahyang subuh ani pun bulih masuk surga?"sampuk #2 dengan suara yang sarut.

Ceh, durang ani kan masuk syurga?! Sedakah SMS $1 arah anak-anak yatim pun payah-payahan. Iatahnah namanya urang inda sadar diri ni.

"Oi, hidup kamu lakat dih! Bukan di syurga ni nyamu! Mua kamu ani kan masuk syurga? Dui..."Alyssa me-laser lagi. Kali ani mangsanya The Bodyguards. Mendangar saja suara Alyssa, terkezut lah The Bodyguards. Cemana bulih si Alyssa ani masih ada energy kan melaser urang ah? Hairan jua ku tu, padahal mun kana kidnap ani bukannya selalu makan.

"Eh dang, becakap atu bisai-bisai sikit. Anak siapa kau ani kan ah?"tanya #1 yang usulnya tersinggung. Alum tia sadar kali ia ani yang dangannya becakap atu si Alyssa.

"Aku anak Datuk W sama Datin EP. Mengapa? Ada problem?"balas si Alyssa. Gila, girl with attitide ia ani. Kalah mamanya! Tsk, tsk tsk anak-anak muda sekarang ani.

Mendangar jawapan yang didangarnya, speechless tarus #1. Sekaras-karas kedia ani, pandai jua tediam. Maybe ia ani inda pernah facing species 'girl with attitude' kali. Iatah ia inda tau kali cemana cara kan membidas kata-kata species bini-bini macam si Alyssa ani.

Read More